ESTUDANTE 108 PARTISIPA IHA TREINAMENTU LITERASIA DIJITAL IHA UNPAZ

ESTUDANTE 108 PARTISIPA IHA TREINAMENTU LITERASIA DIJITAL IHA UNPAZ

Dilu-Universidade da Paz (UNPAZ) Liuhusi UN WOMEN ne’ebé hetan suporta husi Australian Aid, hodi fasilita treinamentu ba estudante UNPAZ, atus ida ualu (108) kona-bá Literasia Dijital” Foin Sa’e Resiliente ba Futuru”iha Salaun Saúde Públika (02/04).

Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. ne’ebé reprezenta Magnifiku Reitór, hateten, ita agora iha erra dijital, tanbá ita hotu moris la ses husi ida ne’e, hakarak ka la koi ita tenki adopta ida ne’e.

“Espera husi treinamemtu sira ne’e bele fó koñesimentu literasia dijital ba estudante sira, nomós fó positivu di’ak ba estudante sira, estudante sira tenki aprende ho di’ak”,dehan Vice Reitór.

Senadu Jeral UNPAZ, Sr. Bernardino Ximenes, reforsa, treinamentu ida ne’e ita presiza tebes, tanbá ita iha erra dijitalizasaun, atu nune’e fasilita ita hodi halo komunikasaun ho nível relevante sira.

Aliende ne’e, (Ofisial Comunikasaun UN Women) Sr. Helio Miguel, apresia tebes ba espasu ne’ebé mak universidade entrega ba foin sa’e sira atu lidera atividade ida ne’e.

“Parte ida husi treinamentu dijital mak atu fó espasu ba foin sa’e sira, hodi bele lidera atividade refere, depois de treinamentu, maluk sira huis UNPAZ, imi mós bele hamrik hanesan sira hodi kontinua avansa hodi halo mudansa ba ita nia komunidade”,tenik Nia.

Sorin Seluk, Sra. Joanita Antonita Pinto(lead Program Literasia, agradese ba UNPAZ liu-liu ba Fakuldade Saúde Públika ne’ebé oferese fatin, ami hodi realiza atividade ida ne’e, agradese mós ba estudante sira ne’ebé mak partisipa iha treinamentu ida ne’e.

“Husu ba estudante sira hotu labele baruk, ita aprende hamutuk, depois de finaliza saida mak ita bo’ot sira atu halo liu-liu ba iha UNPAZ, ita bo’ot sira mós bele halo advokasia no partilla tutan ba ema seluk, tanbá erra dijital ita mak tenki sai ajente ba iha lia lo’os”dehan Joanita.

Partisipa iha treinamentu ne’e, Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. (Ofisial Comunikasaun UN Women) Sr. Helio Miguel. Sra. Joanita Antonita Pinto(lead Program Literasia, ho Ekipa, Inklui Senadu Jeral UNPAZ, Sr. Bernardino Ximenes, ho Estudante sira.