ESTRUTURA UNPAZ TAU AIFUNAN BA SAUDOZU PROF. LUCAS NIA ESTATUA

ESTRUTURA UNPAZ TAU AIFUNAN BA SAUDOZU PROF. LUCAS NIA ESTATUA.

Universidade da Paz (UNPAZ) ohin estrutura Universidade da Paz, no estrutura Fundasaun Neon Metin tau aifunan ba saudozu Prof. Dr. Lucas da Costa, SE.Msi nia estatua hodi selebra nia loron moris ba dala hitu nulu resin ida (71) 11/01/23.

Hateten husi Prezidente Conselu Administrasaun Fundasaun Neon Metin Eng. José Menezes, M.Food, baibain Saudozu sei moris ita sempre selebra hamutuk nia loron moris nian iha uma rai hun ne’eba, maibe ohin nia la hamutuk ona ho ita, ne’e maromak nia planu ba ita hotu iha mundu ne’e, mate ne’e hanesan misteriu ida ba ita ema moris, saudozu ohin nia halo ona tinan hitu nulu resin ida (71) ho ida ne’e maka ohin ita tau aifunan ba nia estatua.

Tamba saudozu husik hela obra bo’ot ida mai ita hotu oras ne’e ita jerasaun foun sira sei kontinua hela nia obra ne’e, husu ba ita hotu nia orasaun ba ita nia aman maun no ita nia mestri iha Universidade da Paz, Prof. Dr. Lucas da Costa SE.Msi nia klamar iha mundu seluk atu bele moris ho dame no haksolok nafatin, é dala ida tan lori Sivitas Akadémika Universidade da Paz hato’o parabens ba saudozu Prof. Lucas da Costa, SE.Msi nia klamar iha reinu lalehan.