ESTRUTURA UNPAZ KONVOKA REUNIAUN LIUHUSI ZOOM HO TREINADOR HUSI AMERICA

ESTRUTURA UNPAZ KONVOKA REUNIAUN LIUHUSI ZOOM HO TREINADOR HUSI AMERICA

Dili-Universidade da Paz (UNPAZ) liuhusi Catholic Relief Services (CRS) hamutuk ho estrutura universidade hodi konvoka reuniaun hamutuk ho treinador ida husi USEI America kona-ba preparasaun ba realizasaun formasaun Pedagojia ba dosentes sira UNPAZ, iha Aula Prof. Dr. Lucas da Costa (23/02).

Vise Reitor Asuntu Akadémiku, Sr. Joaninho Xavier Hei, Lic CSH.,M.Ed, hateten, Ohin enkontru liuhusi ZOOM ho ekipa ida mai husi Catholic Relief Services (CRS) atu kontinua formasaun ba Dosente sira iha Universidade da Paz.

Nia hatutan, sira prepara treniador ne’e mai husi USEI America, formasaun ne’e sei foka liu ba pedagójia, Pedagójia ne’ebé sei halai liu ba oinsa atu dezemvolve kurikulum silabus planu lisaun sira, no mós to’o iha accesment katak, hala’o avaliasaun ba iha turma sira ka klass de aulas bainhira dosente sira hanorin hela profesor ne’e mós sei tun ba halo observasaun, depois fó tiha teoria ba iha formasaun ne’e ba iha pratika.

“Oinsa halo accesment ne’e iha avaliasaun ne’e nia sei uza camera hodi bele hanorin liu husi ZOOM, foka tiha depois nia mai leno fali iha ne’e, nia hatudu ba ita katak, ita nia pontu forte ba área ida, ita nia frakeza mak ida ne’e, oinsa atu avaliasaun ba dosente sira, oinsa sai di’ak liu formadór ne’ebé di’ak”,dehan Vise Reitor Asuntu Akadémiku.

Entretantu ida ne’e sei realiza iha tempu badak, nia mai enkontru ho ita kona ba formasaun nia realiza tuir tempu mais ou menus semana rua hanesan ne’e.

Partisipa iha enkontru liuhusi zoom ne’e, Dekanu Fakuldade Teknologia Agrikola, primeiru Vise Dekanu FTA, ekipa husi CRS.