ESTRUTURA UNPAZ KONVOKA REUNIAUN HO EKIPA FDCH

ESTRUTURA UNPAZ KONVOKA REUNIAUN HO EKIPA FDCH

Dili-Universidade da Paz (UNPAZ) nia estrutura senadu universidade konvoka reuniaun ho ekipa FDCH ne’ebé lídera husi Inspetor jeral (MESSC) kona-ba estudante bolseiru (Hakbit no Parsial), ne’ebé hala’o estudu iha UNPAZ, atividade ne’e realiza iha Aula Prof.Dr.Lucas da Costa (12/04).

Vise Reitór Asuntu Akadémiku, Sr. Joaninho Xavier Hei, Lic.CSH., M.Ed. ne’ebé reprezenta Magnifiku Reitór UNPAZ, heteten ohin ekipa ida mai husi ministeriu ensino superior, ne'ebé lídera husi, gabinete Inspetor Jeral ho nia ekipa sira mai halo Fiskalizasaun ba benefisiariu bolseiru Parsial ho Hakbi'it, hodi hetene kona-ba sira nia progresu estudu ho sira nia difikuldade sira ne'ebé hetan iha ne'e kona-ba sira nia estudu, Karik difikuldade sira seluk ne'ebé mak sira hasoru, relasiona ho sira nia finansiamentu ho fundus Ne'ebé aloka ba sira.

Nia hatutan, Ohin dader hasoru ona sira estrutura fakuldade nomós universidade relata ona progresu ne'ebé estudante ho total 197 ne'ebé destaka husi FDCH mai iha UNPAZ, ita fó ona progresu estudu sira ne'e nomós relata sira nia prestasaun estudu ka progresu dezempeñu iha UNPAZ, tanba ne'e ohin relata ona husi estrutura Fakuldade nomós Dosente sira ho xefi departamentu sira, iha loraik ne'e ekipa inspetor sira hasoru ho estudante sira ne'ebe sai benefísiariu ba iha bolsaria rua ne'e. sira mós hato'o sira nia preokupasaun ka sira nia difikuldade kona-ba sira nia estudu ka fundus ne'ebé sira hetan husi FDCH.

"Vise ne'e mós, agradse wa’in ba fiar ne’ebé fó mai UNPAZ, ne’ebé oferese estudante bolseiru sira mai iha UNPAZ hahu husi 2021-2022, tanba ne’e orgullu tebes, ita nafatin kopera no esforsu hodi prepara no dezenvolve koñesimentu jerasaun foun sira iha nivel ensinu superior".

Iha fatin hanesan, Gabinete Inspetor Jeral- MESCC, Sr. Higino Alves, Orgullu tebes ohin ita hasoru fali malu iha fatin ida ne’e, tanba durante ne’e, ita servisu hamutuk, UNPAZ sempre servisu ho kolaborasaun di’ak ba parte hotu-hotu, hanesan akadémik nian nomós finansas nian sempre iha kordenasaun di’ak entre ministeriu no instituisaun.

Nia hatutan, Iha dader ida ne’e, bazeia ba kna’ar ne’ebé mak gabinete inspesaun nian, ne’ebé atribui iha dekretu lei organika ministeriu ensinu superior nomós diploma ministerial ne’ebé mak fó kna’ar ba iha gabinete inspesaun jeral, oinsa haree prosesu tomak iha ministeriu no instituisaun públiku no privadu sira.

“Ida ne’e mak kna’ar ne’ebé fó ba inspesaun jeral atu haree, tantu prosesu aprendisagen no orsamentu sira nomós seluk tán ne’ebé relasaun ho servisu gabinete inspesaun nian, tanba ida ne’e, nu’udar kna’ar ne’ebé inspesaun jeral atu haree, bazeia ba tarefa ne’ebé atribui iha baze legasl”,dehan Nia.

Entretantu partisipa iha enkontru ne’e, Vise Reitór Asuntu Akadémiku, Sr. Joaninho Xavier Hei, Lic.CSH., M.Ed. Vise Reitór Asuntu Administrasaun Geral Finansas, Dekanu ho Vise Dekanu sira, Xefe Departamentu, Gabinete Inspetor Jeral- MESCC, Sr. Higino Alves, ho ekipa. Dekanu sira, Xefe Departamentu, Dosentes, inklui Estudante bolseiru sira.