ESTRUTURA UNPAZ HO ESTUDANTE SIRA HUSU MISA AGRADESIMENTU MOLOK HAHU PROGRAMA ESTAJIU

ESTRUTURA UNPAZ HO ESTUDANTE SIRA HUSU MISA AGRADESIMENTU MOLOK HAHU PROGRAMA ESTAJIU

Dili-Universidade da Paz (UNPAZ) nia estrutura tomak hamutuk ho estudante estajiadu/a sira, husu misa agredesimentu ba Maromak , molok hahú atvidade programa estajiu sosial tinan akadémiku 2022, ho tema “Hatoman A’an Moris Inovativu, Disiplina No Didika A’an Ba Sosiedade Hodi Promove Paz No Dezenvolvimentu Ba Rai Doben Timor-Leste, iha Salaun José Kasimiru (28/05).

Misa abertura ne’e, Amu kapelaun, Manuel Pinto, iha omilia hateten, ita ko’alia kona-bá estajiu iha tipu logi tolu mak ita ko’alia, iha evanjelizasaun ema koñese, tipu primeiru be’e/mari, tipu segungu haree, estuda, reflesaun, tipu ikus liu mak, ba haklaken iha hahalok no iha liafuan, alin estudante sira imi mai iha ne’e Universidade bolu durante tinan tolu estuda, imi mai haree situasaun, imi mai ho mamuk, imi mai ho buat ida la iha kakutak, agora tempu ikus universidade haruka imi ba, depois imi mai, haree, estuda reflete, agora imi ba atu halo pratika, no hatudu imi nia kapasidade, atu hatudu rejultadu reflesaun teoria no konseitu ne’ebé durante ne’e imi aprende.

“Uma ne’ebé produs imi ho domin, uma ne’ebé produs imi ho siénsia, uma ne’ebé produs imi ho konsiensia, uma ne’ebé produs imi ho matenek no koñesimentu tomak, la haruka imi ba, maibe halo imi estajiu iha fatin ida ne’e, atu dezenvolve uma ne’ebé imi hadomi, tanba uma ne’e hatudu ona domin ba imi, agora imi mak hatudu imi nia domin ba uma ne’e, liuhusi kreatividade no inovativu ne’ebé imi estuda durante tinan tolu”, dehan Pé Manuel.

Nia reforsa, Kampus ida ne’e sai fatin ba imi atu aplika imi nia matenek tomak, atu aplika imi nia kapasidade intelektua, kapasidade espiritu inovativa no kretaividade iha kampus ida ne’e, buat ne’ebé importante husi tipu logi tolu mak, espiritu dedikasaun, sakrifisiu, ho esperitu renovativu.

Magnifiku Reitór Universidade da Paz, Dr. Adolmando Soares Amaral, Lic. Eco.,MM. salienta, wa’in hira ita atu halo buat ruma ita la koloka Maromak iha sentru, mak ita sei la atinji objetivu ne’e ho di’ak, alin estajiadu sira buat hotu ne’ebé ita halo, enkuantu ita sei dada is iha mundu ida ne’e, mak ha’u husu ba ita bo’ot sira tenki koloka Maromak ne’e iha sentru.

“Ita bo’ot sira tenki hatene agradese ba, aman, oan espiritu santu, tanba husi aman mak ita hotu-hotu hetan is para ita bele halo atividade sira ne’e, husi ona mak ita hotu hetan salvasaun tanba nia fó nia vida tomak para ita hotu moris iha mundu rai klaran ida ne’e, espiritu santu ne’e mak ita hotu mai iha ne’e aprende lok ba malu ho matenek sira, tanba ne’e ha’u husu ba ita bo’ot sira hotu, sai antigus alunus Universidade da Paz, aban bairua ita bo’ot sira termina estudu iha fatin ida ne’e, saida mak ita bo’ot sira halo iha sosiedade ne’eba, tenki koloka Maromak iha sentru”,tenik Reitór UNPAZ.

Entretantu iha misa abertura ne’e, prijidi husi Amu Kapelaun, Manuel Pinto, no hetan partisipasaun masimu husi estrutura tomak kompostu husi, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Vice Reitor, Dekanu Fakuldade 6, Pro Reitor sira, Xefe Departamentu, Diretór/a Unidade sira, Dosente, Funsionariu, inklui estuidante estajiadu/a sira, nomós sivitas akadémiku hotu iha Universidade da Paz.