ESTRUTURA UNPAZ HALO VIJITA BA ESKOLA SEKUNDARUA 3 IHA COVALIMA

ESTRUTURA UNPAZ HALO VIJITA BA ESKOLA SEKUNDARUA 3 IHA COVALIMA

Dili-Universidade da Paz (UNPAZ) nia Pro Reitor Dezenvolvimentu Rekursu Humanu, Sr. Carmo Antonio Pinto Baptista, S.Sos. Msi. Akompaña husi Kordenador Jeral UNPAZ Ramu Covalima, Sr. Silvester Ferreira, Lic. Eco.,MM. Vijita bá eskola sekundaria Jeral Covalima, Avemaria Suai, nomós Esokola Sekundaria Tenknika Vokasional de Akarlaran Suai Covalima, hodi kria Koperasaun ida ne’ebé di’ak hodi apoiu UNPAZ Ramu Covalima bá materia iha semester tinan ida ne’e, (12/04).

Pro Reitor Dezenvolvimento Rekursu Humanu, Sr. Carmo Antonio Pinto Baptista, S.Sos. Msi. hateten objetivu ita bá iha eskola sira ne’e, atu husu apoiu dosente materia iha kampuz Ramu UNPAZ Covalima, bá iha semester iha tinan ida ne’e.

Nia hatutan, professor sira mós hateten, ida ne’e estratejia kapas numeru estudante bá tinan 2023 iha sira nia eskola, professor sira mós sei habelar informasaun bá iha inan aman sira, hodi haruka estudante sira kontinua iha UNPAZ Ramu Covalima.

Aliende ne’e, Kordenador Jeral UNPAZ Ramu Covalima, Sr. Silvester Ferreira, Lic. Eco.,MM. Reforsa, estratejia ne’ebé kordenador halo ho Pro Reitor Dezenvolvimentu Rekursu Humanu, vijita ona eskola sekundaria sira iha Covalima, ho objetivu atu buka ema Covalima oan ne’ebé iha kapasidade materia bazika/MKDU, ne’ebé aloka iha Fakuldade haat, Fakuldade Ekonomia, Direitu, Saúde Públika, no Enjeñaria.

“Ema sira ne’ebé buka atu apoiu iha UNPAZ Ramu Covalima, la’os sira mai atu buka osan, maibe sira mai apoiu UNPAZ Ramu Covalima iha 2023 estudante bele aumenta”,dehan Kordenador UNPAZ Ramu Covalima.

Sorin seluk, Adjunto Ditetór, Eskola Sekundaria Jeral Covalima, Sr. Francelino F. Carvalho, L.SG. haensan Covalima oan ami orgullu bo’ot, Universidade hahú besik povu nia le’et, inan aman komunidade nomós joventude, ami komprimitidu atu habo’ot Universidade da Paz iha Covalima.

Nia esklarese, Politika di’ak UNPAZ Ramu loke iha Covalima, husi parte intelektual husi eskola ida ne’e, hakarak kontribui mós bá iha UNPAZ Ramu Covalima, ha’u hanoin ida ne’e sei influensia bo’ot bá estudante sira iha eskola ida ne’e.

“Ami komrpimitidu tinan oin, ami sei sosializa masimu bá estudante sira, no habelar liu tán programa UNPAZ sanak Covalima”,dehan Adjunto Ditetór, Francelino.