ESTRUTURA UNPAZ HALAO ATIVIDADE SOSIALIZASAUN BA IHA ESKOLA SEKUNDARIA PALABAN OE-CUSSE

ESTRUTURA UNPAZ HALA'O ATIVIDADE SOSIALIZASAUN BA IHA ESKOLA SEKUNDARIA PALABAN OE-CUSSE

Dili-Universidade da Paz (UNPAZ) liuhusi Estrutura UNPAZ nasional hamutuk ho Estrutura UNPAZ Raeoa, Hala’o Sosializasaun Ba Iha Eskola Sekundaria Palaban Oe-Cusse, ho objetivu atu fahe informasaun ba estudante sekundaria sira, hodi kontinua estudu iha nivel ensinu superior nian UNPAZ, iha Raeoa Oe-Cusse (16/09).

Vice Diretor ESGP Sr. Francisco Nono, orgullu tebes tanba prezensa husi estrutura UNPAZ ba iha eskola hodi fahe informasaun ba estudante sira liu-liu atu kontinua iha ensinu superior nian, tanba ne’e Ho prezensa UNPAZ iha Oe-Cusse, oinsa bele prepara rekursu humanu ne’ebé profesionalizmu iha futuru, tanba rekursu sai hanesan save importante hodi prepara ba iha futuru nasaun nian.

“Prezensa UNPAZ mai iha Oe-Cusse, hanesan Oe-Cusse oan orgullu tebes, tanba alin estudante sira atu kontinua estudu iha nasional, dalaruma iha preokupasaun barak bele difikulta sira-nia estudu, maibe prerzensa UNPAZ iha Oe-Cusse ami sente orgullu tebes bele hakman ona inan aman sira”,dehan Vice Diretor ESGP Sr. Françisco.

Konselheiru UNPAZ Raeoa, Sr. Lorencu P. Da Rosa, Lic.Fil.,MM. ohin ita halo sosializasaun ida ne’e, bazeia ba proposta ne’ebé mak hato’o ba iha Magnífiku Reitór kona-ba sosializasaun ba iha eskola sekunadria sira iha Oe-Cusse. Ohin ami estrutura Raeoa hamutuk ho estrutura UNPAZ nasional halo sosializasaun ba Eskola Sekundaria Palaban Oe-Cusse, tanba ne’e ohin kada fakulfdade aprezenta ona programa sira ne’e ba iha estudante sira.

“Atu dezenvolve Raeoa la’o ba oin, maka tenki liuhusi edukasaun, tanba ne’e nu’udar Oe-Cusse oan, UNPAZ nia prezensa iha ne’e atu hakman todan iana aman sira nian ba estudante sira”,tenik Konselheiru UNPAZ Raeoa, Sr. Lorencu.

Representa Estudante Eskola Sekundaria Palaban Oe-Cusse, Agustinho C. Pereira, Agradese no Obrigadu ba UNPAZ, Tanba bele lori informasaun direta mai ami nia Eskola Sekundaria Palaban ESGP Oe-cusse, Hau hakarak loos Eskola iha UNPAZ, hodi foti Fakuldade Teknologia Agrikola, Departamentu Rekursu Naturais.

“Fakuldade no Departamentu ne’ebé ha’u hili, atu parende siensia no teknologia hodi hasa’e kapasidadde no mentalidade ami nian, hodi sai rekursu ne’ebé mak Kualidade hodi dezenvolve no kontribui ba ami nia Munisipiu Raeoa/Oe-cusse”,katak Estudante Agustinho.

Entretantu Sosializasaun ba iha Eskola Sekundaria Palaban Oe-Cusse ne’e, Estrutura Nasional ne’ebé kompostu husi, Pro-Reitor (ADRH), Sr. Carmo António Pinto Baptista, S.Sos.,M.,Si. Xefe Departamentu, Dosente sira inklui Konselheiru UNPAZ Raeoa, Sr. Lorencu P. Da Rosa, Lic.Fil.,MM. ho Diretor.