ESTRUTURA UNIVERSIDDE KONVOKA REUNIAUN BA PREPARASAUN AKREDITASAUN

#UNPAZ# 19 MAIU 2021

ESTRUTURA UNIVERSIDDE KONVOKA REUNIAUN BA PREPARASAUN AKREDITASAUN

Dili-Universidade da Paz (UNPAZ), Liuhusi Magnifiu Reitór hamutuk ho Pro-Reitór, Dekanu, Vice dekanu, Xefe Departamentu, Inklui Diretór Unidade sira hotu iha Univerisdade, hodi koalia kona-bá preparasaun ba Akreditasaun ba programa Mestradu no Lisensiatura nian, iha Salaun Pós-Graduasaun (19/05).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten ba programa Akreditasaun ba Mestradu no Lisensiatura, Universidade desidi ona, Dr. Alexandre de Souza Guteres, mak sei organiza, depois kontaktu ho ita nia Média sira tanbá akreditasaun tinan ida ne’e, dukumentus hotu-hotu tenki halo video.

“Akreditasaun ba Programa Mestradu, no Lisensiatura, dukumentus hotu-hotu tenki halo ho Video, depois mak ita esplika ba Peritus sira, tanbá ne’e mak ohin ami desidi hodi prepara kondisõens hotu, para ita bele hetan video ida ne’ebé ho kualidade hodi haruka ba iha peritus sira, no iha Juñu mak foin tama ba faze Akreditasaun”,hateten Reitór UNPAZ.

Nia hatutan, ita iha programa ba estudu 20 ne’ebé tutela ba iha Fakuldade neen, maibe programa sira seluk hetan ona Akreditasaun, programa foun sira ne’ebé seidauk hetan Akreditasaun mak, Enjeñaria Sivil, husi Fakuldade Enjeñaria, no Estudu da Paz e Seguransa, husi Fakuldade Siensia Sosiais Humana, no programa tolu iha nivél Mestradu, mak Administrasaun Públika, Saúde Públka, no Siensia de Direitu, ne’ebé mak ita sei lori ba Akreditasaun iha nivél Metradu nian.

Partesipa iha atividade refere, Magnifiku Reitór Universidade da Paz, Dr. Adolmando Soares Amaral, Lic, Eco. MM. Pro-Reitór,Dekanu ho nia vice dekanu sira, Xefe Departamentu, Diretór Unidade hotu, Dosente inklui Funsionariu sira.