![ESTRUTURA UNIVERSIDADE HO ESTUDANTE SIRA VIJITA ESTATUA KRISTU LIU RAI](https://unpaz.tl/asset/foto_berita/275758322_691138329004789_5776989257982609687_n.jpg)
ESTRUTURA UNIVERSIDADE HO ESTUDANTE SIRA VIJITA ESTATUA KRISTU LIU RAI
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. hamutuk ho estrutura tomak, nomós estudante sira halo Peregrinasaun Estudante Foun UNPAZ Tinan Akadémiku 2022, “Hodi Hametin Fiar ho Kristu Liu Rai”,iha Lete-Foho (13/03).
Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Hateten hoeseik familia bo’ot UNPAZ, kompostu husi estudante ativu semester 1, 3, 5 no 7 mai iha Lete-Foho, ho objetivu atu halo peregrinasaun ba Kristu Liu Rai Lete- Foho, mibe ohin ita responsabiliza missa domingu iha Lete-Foho, depois de ida ne’e ita mós tau fatuk ain ba iha salun Parokia Lete-Foho.
“Husi peregrinasaun ne’e mak ita mai husu matak malirin, atu husu kristu Liu Rai atu haraik matenek ba ita nia estudante sira husi semesrer 1,3,5 no 7, fó ba matenek no hanoin ho hahalok ne’ebé mak di’ak para aban bainrua sira bele sai lider ida ne’ebé ho responsabilidade moral ba povu no rai ida ne’e”,haktuir Reitór.
Nia hatutan, mai iha fatin ida ne’e ida-idak hasa’e orasaun ne’ebé sira busu ne’e para atu sai atan ba povu no rai ida ne’e, sira mai iha ne’e atu husu matenek no matak malirin, sira fila bele hasoru prosessu aprendisajen ba materia hotu-hotu para preparan a’an sai rekursus hamanu ida ne’ebé di’ak hodi kontribui ba povu no rai ida ne’e.
Peregrinasaun ne’e ita hatama ona iha kalendáriu akasémiku, hahú husi 2019 ba vijita Na’in Feto Ramelau, 2020 ita ba Nossa Senora Aitara, 2021 Nossa Senora Fatu Besi, 2022 ita mai iha Kristu Liu Rai Lete-Foho, no 2023 ita sei ba fali iha Matebian, Salienta Nia.
Vijita peregrinasau ba iha Kristu Liu Rai ne’e, Magnifiku Reitór Universidade da Paz, Dr. Adolmando Soares Amaral, Lic. Eco.MM. ho estrutura tomak kompostu husi, Vice Reitór sira, Dekanu Fakuldade 6, Xefe Departamentu sira, Pro-Reitor, Diretór/a Unidade sira, Dosente, Funsionariu, inklui Estudante sira hotu.