ESTRUTURA UNIVERSIDADE HO ESTUDANTE SIRA HALO PEREGRINASAUN BA KRISTU LIU RAI LETE-FOHO

ESTRUTURA UNIVERSIDADE HO ESTUDANTE SIRA HALO PEREGRINASAUN BA KRISTU LIU RAI LETE-FOHO

Dili-Universidade da Paz (UNPAZ) nia Magnifiku Reitór Dr. Adolmando Soares Amaral, Lic. Eco.,MM. hamutuk ho estrutura tomak, nomós estudante foun tinan akadémiku 2022 nian, inklui sivitas akadémiku hotu, halo peregrinasaun ba iha Kristu Liu Rai Lete-Foho, hodi husu misa agradesimentu molok hahú prosesu aprendisajen, iha Kampus UNPAZ (12/03).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, tuir kalendáriu akadémiku kada tinan depois ita simu estudante foun no halo orientasaun no misa agradesimentu, maibe ita tenki taka ho peregrinasaun.

Nia hatutan, iha 2019 ita ba iha Na’in Feto Ramelau, 2020 ita ba iha Na’in Feto Aitara, 2021 ba iha Nossa Senóra Fatubesi, 2022 nian, ita ho estudante foun sira ita ba iha Kristu Liu Rai Lete-Foho.

Reitór Salienta, aban familia bo’ot Universidade da Paz, ho sivitas akadémiku tomak, mak sei responsabiliza misa iha Parokia Lete Foho.

“Buat hotu ita halo ita tenki tau Maromak iha sentru, tanbá ida ne’e atu forma rekursus humanu ho kualidade, mak ita tenki agradese ba Maromak, katak buat hotu ne’ebé ita halo Maromak nia tulun mak ita bele atinji nia objetivu”,dehan Reitór.

Aliende ne’e, Dekanu Fakuldade Saúde Públika, Sr. Martinos Nahak Lino, AMKL.,Lic. SP.,MPA. Nu’udar Prezidente Komisaun Organizadóra ba Perigrinasaun tinan akadémiku 2022 nian, reforsa, UNPAZ iha tinan ida ne’e ita nia programa akadémiku ne’ebé tuir kalendáriu prosesu orientasaun remata, maibe ita kontinua ho atividade peregrinasaun ba iha kristu Liu Rai Lete-Foho.

Objetivu husi ita nia atividade refere, oinsa estudante sira kada Fakuldade 6 ne’e bele amijade liu tán, entre ambiente, prinsipal liu tán mak hametin fiar, ida ne’e tempu di’ak ida ita peregrinasaun ba iha kristu Liu Rai Lete-Foho ho fiar ida bainhira estudante sira tama ba iha prossesu aprendisajen nian, tenik Nia.

“Ita husu grasa Maromak nian bele tulun sira durante ita nia peregrinasaun, depois tinan haat sira bele remata sira nia estudu ne’e ho di’ak iha UNPAZ”,haktuir Prezidente Komisaun.

Iha viajen peregrinasaun ne’e, Magnifiku Reitór Universidade da Paz, Dr. Adolmando Soares Amaral, Lic. Eco.MM. ho estrutura tomak kompostu husi, Vice Reitór sira, Dekanu Fakuldade 6, Xefe Departamentu sira, Pro-Reitor, Diretór/a Unidade sira, Dosente, Funsionariu, inklui Estudante sira hotu.