ESTRUTURA UNIVERSIDADE DA PAZ VIZITA SAUDOZU NIA RATE IHA JARDIM DOS HEROIS METINARO

ESTRUTURA UNIVERSIDADE DA PAZ VIZITA SAUDOZU NIA RATE IHA JARDIM DOS HEROIS METINARO

Dili-Universidade da Paz (UNPAZ) liuhusi Estrutura Senadu Universidade no Senadu Fakuldade nomós Programa estudu sira, halo vizita ba Saudozu Prof. Dr. Lucas da Costa nia rate hodi tau aifunan, Iha Jardim dos Herois Metinaro (06/11/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten, objetivu husi ita vizita saudozu nia rate iha metinaru ida ne’e, tanba horseik FNM fó posse ba Reitór no loraik fó posse ba estrutura senadu universidade, fakuldade no programa estudu sira, maka ohin ita hotu lori aifunan mai vizita saudosu nia rate aumesmu tempu estrutura foun sira mós halo juramentu.

“Horseik ita simu posse maka ho hanoin ida katak, ba estrutura foun hotu-hotu tenki mai halo juramentu nomós tau aifunan ba saudozu nia rate, nune’e bele hetan matak malin durante mandatu tinan lima 2024-2029”,dehan Reitór UNPAZ.

Entretantu iha vizita Saudozu nia rate ne’e, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. akomapaña husi Dekanu Fakuldade Neen, Vise Reitóres sira, Xefe Departamentu sira, Diretór no Xefe Unidade sira, Pro-reitóres, Dosente inklui Funsionariu sira.