ESTRUTURA UNIVERSIDADE DA PAZ VIAJEN BÁ BALI
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. hamutuk ho estrutura sira, ohin viajen bá Bali hodi halo aktividade rua ho Warmadewa nomós Udana Bali, ho objetivu Warmadewa atu lori dosente husi Fakuldade Enjeñaria bá tuir formasaun, Udana Bali atu asina nota entendimentu, bá dosente na’in lima ne’ebé turi teste bá programa doutoramentu, hodi husu para sira bele autoriza dosente sira tuir prosessu aprtendisajen online, (22/04).
Magnifiku Reitór, Universidade da Paz, Dr. Adolmando Soares Amaral, Lic. Eco.,MM. hateten, ekipa sei liu bá iha Surabaya Widya-Mandala atu diskute progresu kona-bá dosente na’in haat ne’ebé fotí hela programa doutoramentu, depois de Widya-Mandala, sei bá iha Unaer para atu diskute ho Dekanu Fakuldade Siénsia Sosiais Humaniora nian, hodi loke programa Siénsia Forensik.
“Ita loke departamentu ida Siénsia Forensik ne’e, sei tutela bá iha Fakuldade Siénsia Sosiais Humaniora, Universidade da Paz”,dehan Reitór Unpaz.
Nia hatutan, ekipa mós sei liu bá Universitas Kristen Satya Wacana atu halo koperasaun ida, depois fila mai diretór biblioteka ho ekipa bá fali hodi halo promosaun biblioteka nian, depois de ida ne’e ekipa sei bá fali Udana-Kupang hodi ko’alia kona-bá dosente sira ne’ebé sei mai apoiu programa Administrasaun Públika Universidade da Paz, liu-liu bá programa Mestradu nian, nomós dosente sira ne’ebé sei mai apoiu Fakuldade Saúde Públika bá iha programa nível Mestradu, no ita nia dosente balu iha ne’e, sei kontinua tán doutoramentu iha Udana Kupang.
Entretantu iha viajen ne’e, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. nomós akompaña husi estrutura sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
