ESTRUTURA SENADU UNIVERSIDADE REALIZA RETIRU BA PASCOA IHA UNPAZ

ESTRUTURA SENADU UNIVERSIDADE REALIZA RETIRU BA PASCOA IHA UNPAZ

Dili-Universidade da Paz (UNPAZ) nia estrutura senadu hamutuk dosente nomós funsionariu sira hodi realiza Retiru ba Pascoa ho Tema Converção e Unificação Para Dezenvolvimentu da UNPAZ, iha ne’ebé derije husi Amu Selebrante Gabriel ho Amu Manuel Pinto, iha Aula Prof.Dr. Lucas da Costa (01/04).

Amu Selebrante, Gabriel Suban Koten, SVD, hateten, Ondra bo’ot ida ha’u bele parka prezensa iha Universidade da Paz, hodi hato’o reflesaun ne’ebé ligadu ho preparasaun selebra ita nia misteriu bo’ot kristu nia trus no mate nia moris hias. Refleksaun ohin nian preparasaun ba misterio bo’ot ba Jesus nia terus no mate no moris hias ne’ebé bolu ita sempre tama ona ba dalan konversaun, e konversaun ne’ebé husu saida hakribi nia-an hodi ida-idak nia kruz hodi la’o tuir nia. Nu’udar instituisaun bo’ot ida ne’ebé servisu, eduka, hanorin estudante sira rihun ba rihun no kna’ar bo’ot ida hola parte iha kna’ar Jesus nian hanesan mestri hanorin fó naroman hanesan ne’e presiza mós servisu hamutuk ne’ebé ohin ha’u tau pontu tolu mak hanesan: Komuniaun, partisipasaun, Misaun,

Vise Reitór Administrasaun Jeral e Finansas, Sr. Caitano C. Correia, LicEco.,M.AK.,CMA. Ne’ebé reprezenta Magnifiku Reitór UNPAZ hateten, ohin momentu ida ne’ebé importante tebes, durante tinan naruk loron barak nia laran, maibe ita seiduk hahu ho konvensaun ida hanesan ne’e, maibe agradese wi’in ohin loron ita bele hetan oportunidade ida di’ak iha Universidade da Paz.

Ita hamutuk iha fatin ida n’e, iha tempu barak, minitu barak, loron barak, fulan barak, no tinan barak, maibe ohin ita hakarak aproveita tempu balu atu refleta ba ita nia an ba ita nia moris durante tinan naruk, ita hamutuk iha fatin ida ne’e, dezafiu barak no problema barak mak ita enfreta, maibe ho ita nia kbi’it no forsa hodi rezolve buat hotu. Tanba ne’e ho tema ne’ebé mak iha, reflete tebes ita nia an no ita nia moris, nomós ita nia atividade, ne’e duni mai ita hamutuk ho konsiensia tomak hodi rona no kompriende didi’ak hodi reflete ita ida-idak nia an”,dehan Nia.

Aliende ne’e, fó bensaun mós ba BUS tolu ne’ebé Universidade prepara tan, hodi responde ba atividade hotu iha Universidade da Paz inklui prosesu aprendisagen ba estudante sira nian iha kampus ramu sira.

Entretantu Partisipa iha Retiru ba Pascoa ne’e, Estrutura Senadu Universidade, ne’ebé kompostu husi Vise Reitores sira, Dekanu sira, Pro-Reitór, Xefe Departamentu sira, Diretór/a Unidade sira, Dosente inklui Funsionariu sira.