ESTRUTURA SENADU UNIVERSIDADE KONVOKA REUNIAUN HO ESTRUTURA FAKULDADE
Dili-Universidade da Paz (UNPAZ) liu-husi Vice Reitor Assuntu Akademíku ho Pro Reitor RH konvoka reuniaun ho komisaun organizadora ba preparasaun ezame final semester par nian, iha Salaun Prof. Dr. Lucas da Costa, (16/11/24)
Sr. Joaninho Xavier Hei, Lic.CSH., M.Ed.Ph.D, hateten Ohin loron ita enkontru atu hare ba ezame final nian ba semester par nian, espera ita bele kolabora hamutuk no husu ba komisaun sira nafatin servisu ho di’ak hodi kontrola no monitoriza estudante sira hodi bele garantia kualidade iha universidade, no semester klaran nian ita organiza nomós semester final nian ita emvolve mos dosente sira hodi apoiu komisaun sira atu nune’e progresu ezame finan la’o ho di’ak ho kontribuisaun ita hotu nian no dosente enkaregadu sira, ho nune’e ita nia objetivu mak ita tenki monitoriza ita nia estudante tenki kompleta semester par 2,4,6 no 8 ba sira nia propinas sem pursentu, ida seluk ita mos kontrola ba dosente sira ne’ebé karik sei fo ezame semana oin hasoru malu tenki prense kriteria, no bainhira materia seidauk prense kriteria sei la bele fo ezame final no sei remedial semana tuir mai. Tanba ne’e mak karik sira ne’ebé seidauk priense ita sei fo tempu iha semana oin mai hodi kompleta materia hafoin bele fo ezame final.
No ba materia sira ne’ebé kompleta ona ita bele autoriza sira hodi tuir ezame final iha semana oin, no husu ba dosente sira atu submete sira nia instrumentu ba iha ezame nian atu nune’e komisaun sira bele distribui ba iha estudante sira tuir orariu ne’ebé fakuldade estabelese ona.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
