ESTRUTURA SENADU UNIVERSIDADE KONVOKA REUNIAUN
Dili-Universidade da Paz (UNPAZ) liuhusi estrtutura senadu universidade no senadu fakuldade hamutuk ho corpus dosente sira, hala’o reuniaun ba preparasaun atividade Kualiah Perdana ba Programa Doutoramentu ba Administrasaun Públika, Ciensia de Direitu no Ciensia Jestaun Estratégiku, ne’ebé sei realiza iha tempu badak, iha Aula Prof. Dr. Lucas da Costa (08/08).
Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten ohin ita hala'o reuniaun extra-ordináriu ida iha loraik ne’e, depois de ita halo bviagen ba ko’alia ho doutor na’in hira ne’ebé mak atu mai fó kualiah perdana ba programa doutoramentu, Administrasaun Públika, ne’ebé tutela iha Fakuldade Ciensia Sosiais Humana, Ciensia de Direitu, ne’ebé tutela iha Fakuldade Direitu no Ciensia Jestaun Estratégiku, ne’ebé tutela iha Fakuldade Ekonomia.
"Iha viagen loron hirak liu ba ho objetivu, atu ba halo aprosimasaun ho reitór na’in hira ne’e atu mai hotu, para hahu kuliah perdana ba programa doutoramentu nian iha UNPAZ, ne’ebé sei hahu iha dia 28-30 ba programa tolu ne’ebé tutela iha fakuldade tolu ne’e, tanba ne’e estudante sira ne’ebé atu kontinua estudu iha programa doutoramentu ba iha tinan ida ne’e hamutuk (35) pessoas",dehan Reitór.
Entretantu partisipa iha reuniaun loraik ida ne’e, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Vice Reitores sira, Dekanu ho Vice Dekanu nomós Xefe Departamentu sira, Pro-Reitor, inklui Corpus dosente sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
