ESTRUTURA SENADU UNIVERSIDADE KOMVOKA REUNIAUN

#UNPAZ# 17 NOVEMBRU 2021

ESTRUTURA SENADU UNIVERSIDADE KOMVOKA REUNIAUN

Dili-Universidade da Paz (UNPAZ) liuhusi estrutura senadu Universidade komvoka reuniaun hodi ko’alia kona-ba finalista sira ne’ebé atu hakat ba graduasaun iha loron 21 Fulan Dezembru 2021, iha Aula Prof. Dr. Lucas da Costa (17/11).

Pro Reitór Asuntu Akádemiku. Sr. Joaninho Xavier Hei, Lic.,CSH.,M.Ed. hateten, objetivu husi enkontru senadu no fakuldade ba ohin loron ne’e, atu rekolla informasaun kona-ba total estudante ne’ebé atu hakat ba graduasaun iha tinan ida ne’e.

"Data tuir kalendariu akadémiku sei realiza iha loron 21 Fulan Dezembru 2021, maibe posibilidade sei iha mudansa ba data graduasaun, iha tempu badak sei fó sai data ida lo’os)", tenik Pro Reitór Asuntu Akádemiku. Sr. Joaninho.

Nia hatutan, estudante finalista ne’ebé sei hakat ba graduasaun iha tinan ida ne’e, temporariu ho total atus ualu neen nulu resin sia (869).

Husu ba finalista sira atu submete dokumentus ba iha Unidade akadémiku estudantil (BAAK) hanesan diploma Sekundariu legalijadu foto kopia no Sertidaun RDTL foto kopia, inklui transkrisaun valor, atu nune’e ekipa bele submete ba Ministeriu Ensinu Superiór Siénsia Kultura (MESSK), salienta Nia.

Partisipa iha reuniaun refere, Magnifiku Reitór Universidade da Paz, Dr. Adolmando Soares Amaral, Lic, Eco. MM. Pro Reitor sira. Dekanu Fakuldade Neen, Xefe Departamentu sira, Diretor/a Unidade sira, inklui Funsionariu.