ESTRUTURA NO DOSENTES FSPeCM REALIZA REUNIAUN HO MAGNIFIKU REITOR

ESTRUTURA NO DOSENTES FSPeCM REALIZA REUNIAUN HO MAGNIFIKU REITÓR

Dili-Universidade da Paz (UNPAZ) nia estrutura no dosentes sira husi Fakuldade Saúde Públika e Ciensia Medica (FSPeCM) hala’o reunaiun hamutuk ho Magnífiku Reitór, Dr. Adolmando Soares Amaral, Lic. Eco.,MM. ho ajenda preparasaun ba lisensa operasional ne’ebé sei hala’o iha tempu badak, Iha Aula Prof. Dr. Lucas da Costa (20/10).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten abaliasaun ba lisensa operasional, bazeia ba ita nia proposta ba MESCC, tanba ne'e kursu sira ne'ebé uluk tutela iha FSP ho estatutu hanesan konsentrasaun, agora ita husu atu sai hanesan departamentu nomós atu transforma naran fakuldade saúblika, aumenta tán ba ciensia medica, FSPeCM iha departamentu 7 ne’ebé ita atu husu ba lisensa operasional.

“Husu ba estrutura no dosente sira hotu, ko’alia bazeia ba buat ne’ebé ita hakerek no hatan ba buat ne’ebé ita halo. Tanba ita hotu mai ho hanoin di’ak ba povu no rai ida ne’e, labele ema ida mesak, ba povu no rai ida ne’e, tenki ita hotu ko’alia, sa tan ko’alia kona-ba ema nia vida no saúde, tanba ne’e ita hotu hamutuk ita bele prevene nomós ita iha kapasidade atu kura”,dehan Reitór.

Partisipa iha reuniaun ne’e, Magnífiku Reitór Universidade da Paz, Dr. Adolmando Soares Amaral, Lic. Eco.,MM. ekipa priense Boran nomós estrutura no dosente sira husi FSPeCM.