ESTRUTURA KOMISAUN KONVOKA REUNIAUN DARUAK BA PREPARASAUN GRADUASAUN
Dili-Universidade da Paz (UNPAZ) liuhusi estrutura komisaun organizadora ba gradusaun tinan akadémiku 2024, konvoka reuniaun daruak ho xefe seksaun sira hotu, hodi ko’alia kona-ba orsamentu ne’ebé atu aprezenta ba komisaun prinsipal sira, Iha Aula Prof. Dr. Lucas da Costa (5/12/24).
Vise Reitór Asuntu Akadémiku, Sr. Joaninho Xavier Hei, Lic. CSH.M., Ed.PhD, relata ohin estrutura komisaun organizadora hamutuk ho xefe seksaun sira nomós membru sira hala’o enkontru ida ne’e atu desidi kona-ba servísu tuir ida-idak nia programa no orsamentu ne’ebé mak atu aprezenta ba komisaun prinsipal sira atu bele haree, atu nune’e iha semana ida ne’e nia laran ita espera bele halo revizaun hotu hodi aprezenta uluk ba Magnifíku Reitór hodi aprova atu nune’e kada seksaun ida-idak bele ezekuta nia orsamentu.
Entretantu iha reuniaun daruak ne’e, partisipa husi I Vise Reitor Asuntu Akademiku, Pro-Reitor ADRH, estrutura universidade no estrutua sira husi Fakuldade, nomós Prezidente Komisaun inklui Xefe sekasaun sira hotu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
