ESTRUTURA KOMISAUN KOMVOKA REUNIAUN BA PREPARASAUN ORIENTASAUN ESTUDANTE FOUN

ESTRUTURA KOMISAUN KOMVOKA REUNIAUN BA PREPARASAUN ORIENTASAUN ESTUDANTE FOUN

Dili-Universidade da Paz (UNPAZ) liuhusi Vice Reitór Asuntu Estudantil no Antogus Alunus, Sra. Marilia Juvi Gonsalves, Lic.SP.,M.Kes. hamutuk ho estrutura komisaun organizadora realiza enkontru ba prepasaun orientasaun ba estudante foun tinan akadémiku 2022 nian, Aula Prof. Dr. Lucas da Costa, SE.,MSi. (02/02).

Vice Reitór Asuntu Estudantil no Antogus Alunus, Sra. Marilia Juvi Gonsalves, Lic.SP.,M.Kes. hateten ohin ita hala’o reuniaun ida ne’e atu halo prepasaun ba orientasaun estudante sira nian iha tinan ida ne’e, atu haree ba mudansa no maneira atu fó orientasaun, liu-liu ba iha kustum nomós prepara kriteira sira ne’ebé atu halo orientasaun ba estudante sira iha tinan ida ne’e.

“Programa haat ne’ebé ita sei enkaisa ba orientasaun iha tinan ida ne’e, primeiru ita halo orientasaun ba iha prosesu aprendisajen nian, segundu, orientasaun ba koñesimentu ba iha ambiente Kampus ida ne’e, terseiru, hatudu mós talentu iha momentu orientasaun ida ne’e, kuartu, orientasaun ba iha Fakuldade nomós Departamentu, atu nune’e estudante sira bele hatene klean orientasaun ba tinan ida ne’e”,Nia Subliña.

Partisipa iha enkontru ne’e, Vice Reitór Asuntu Estudantil no Antogus Alunus, Sra. Marilia Juvi Gonsalves, Lic.SP.,M.Kes. ho Estrutura, Vice Reitór Asuntu Koperasaun Interna no Externa, Vice Dekanu husi Fakuldade Neen, inklui Senadu Jeral Universidade nomós Senadu husi Fakuldade Neen.