ESTRUTURA FSPeCM UNPAZ APREZENTA REZULTADU PROJETU FINAL BA JICA JAPAUN NAGOYA NIAN

ESTRUTURA FSPeCM UNPAZ APREZENTA REZULTADU PROJETU FINAL BA JICA JAPAUN NAGOYA NIAN

Dili-Universidade da Paz (UNPAZ) liuhusi Estrutura Fakuldade Saúde Públika e Ciênsia Medica (FSPeCM) aprezeta rezultadu/avaliasaun final projetu ne’ebé servisu hamutuk entre parte rua hanesan FSPeCM ho Brace of public healt iha Japaun Nagoya, durante tinan tolu nia laran, liuhusi Zoom iha Aula Multifunsaun FSPeCM (19/08).

Dekanu FSPeCM-UNPAZ, Sr. Cipriano do R. Pacheco, Lic.SP., M.Kes. hateten objetivu husi sorumutu ida ohin ne’e mak, ita atu halo avaliasaun final ba iha projetu ida ne’ebé servisu hamutuk entre FSPeCM ho Brace of public healt iha Japaun Nagoya ninian, entaun durante ne’e ita implementa ona projetu ida ne’e mak, oinsa atu haforsa kapasidade humanu ninian liuhusi saúde ninian, bazeia ba nesesidade komunidade nian, ne’ebé ita hala’o durante tinan tolu nia laran hahu iha dia 1 de Setembru 2020 to’o dia 31 Agustu 2023.

Nia esplika, ohin ita apresenta ona rejultadu projetu ne’ebé mak ita hala’o durante tinan tolu (3) ho ninia sucesu bo’ot teb-tebes ho rejultadu atividade ne’ebé mak durante ne’e hala’o, tanba hasa’e tebes kapasidade dosente sira nian no estudante sira nian nomós ita lori informasaun sira ba mellora tan saúde ba komunidade sira nian iha baze, liuhusi sira-nia atividade PBL, tanba ne’e husi atividade ne’e nia objetivu importante rua husi ida ne’e mak, ita haree kona-ba utilizasaun sira nomós atu haforsa atividade pratika baze nian ne’ebé mak hala’o husi estudante sira FSPeCM”,dehan Dekanu.

“Husi diskusaun ne’ebé mak ohin ita hotu-hotu avalia ona katak, iha susesu bo’ot teb-tebes ba iha projetu ne’ebé mak iha faze primeiru ninian, maske iha difikuldade balu maibé hanesan lisaun ne’ebé mak ita aprende ona, nune’e husi enkontru ida ohin hamosu mós proposta foun ideia foun atu lori kontinua ba iha faze segundu nian, ne’ebé atu implementa iha tinan oin mai. Hanoin ne’e pozitivu tebes, tanba husi parte ida ne’e mós bele hasa’e kapasitasaun ba iha dosente no estudante sira nomós ba mellora pratika moris saudavel komunidade sira nian iha baze”,dehan Dekanu FSPeCM.

Entretantu partisipa iha avalisaun rejultadu projetu final ida ne’e, Dekanu FSPeCM-UNPAZ, Sr. Cipriano do R. Pacheco, Lic.SP., M.Kes. Estrutura FSPeCM, Vise Reitór Programa Mestradu no Doutoramentu, Dr. Martinus Nahak Linu, AMKL, Lic.,SPM.AP.,M.SP. ne'ebé reprezenta Magnífiku Reitór UNPAZ. Vise Reitór Asuntu Kooperasaun Intena&Externa, MANAJER PROJECT BiPH no UNPAZ, reprezentante JICA Timor-Leste, Dosente nomós Funsionariu sira iha FSPeCM.