ESTRUTURA FAKULDADE EKONOMIA HALO DISKUSAUN HO ESTATISTIKA NASIONAL TIMOR-LESTE BA KOPERASAUN

ESTRUTURA FAKULDADE EKONOMIA HALO DISKUSAUN HO ESTATISTIKA NASIONAL TIMOR-LESTE BA KOPERASAUN

Dili-Universidade da Paz (UNPAZ) nia Dekanu Fakuldade Ekonomia, Dr. Alexandre de Sousa Guteres, Lic.Eco.MM. ho Estrutura halo diskusaun ho ekipa Estatistika Timor-Leste hodi hametin koperasaun, iha Aula Multi Funsaun Fakuldade Ekonomia (10/02) horeseik.

Dekanu Fakuldade Ekonomia, Dr. Alexandre de Sousa Guteres, Lic.Eco.MM. hateten, ohin ami halo diskusaun ho Estatistika Timor-Leste ba koperasaun, hodi haree kona-ba servisu hamutuk ho Fakuldade Ekonomia liu-liu kona-ba informasaun husi estatistika nian bele sai informasaun ba estudante sira.

Nia hatutan, Iha diskusaun ne’e ami fó informasaun ba malu, nune’e husi hanoin sira ne’ebé ami halo liuhusi hasoru malu ne’e, bele sai elementu ida ne’ebé bele kaer hamutuk liuhusi Fakuldade Ekonomia no Estatistika, hodi hala’o akordu ida bele servisu hamutuk.

“Atividade ne’ebé atu implementa iha koperasau ne’e mak, Seminariu, Peskiza, nomós halo estdu komparativu no seluk-seluk tán, ida ne’e bele fó benefisiu bo’ot ba estudante sira, liuhusi elementu sira ne’e bele eleva kualidade estudante sira nian”, Tenik Dr. Alexandre.

Aliende ne’e, Sr. Adriano de Araujo, ne’ebé reprezenta Diretór Jeral Estatistika Nasional Timor-Leste, iha diskusaun ida ne’e ami mai atu rona estrutura husi Fakuldade Ekonomia nia hanoin sira, nune’e ami bele dezenvolve.

“Espera katak, iha futuru ita bele servisu ho di’ak, saida mak ita nia hakrak atu servisu hamutuk ho Estatistika, ami prontu atu kolabora”, Sr. Adriano.

Partisipa iha diskusaun ne’e husi, Dekanu Fakuldade Ekonomia, Dr. Alexandre de Sousa Guteres, Lic.Eco.MM. ho Estrutura, Ekipa husi Estatistika, Sr. Adriano de Araujo.