ESTRUTURA FAKULDADE DIREITU MAI VIZITA KAMPUS RAMU RAEOA, HO OBJETIVU NE\'E, ATU FAHE INFORMASAUN BA

ESTRUTURA FAKULDADE DIREITU MAI VIZITA KAMPUS RAMU RAEOA, HO OBJETIVU NE'E, ATU FAHE INFORMASAUN BA ESTUDANTES

Estrutura Fakuldade Direitu mai Vizita Kampus Ramu RAEOA, ho objetivu hosi vizita ne'e, atu fahe informasaun ba estudante semester 1, 3 no 5 e aumesmo tempo, kria mos inkontru ho dosente fakuldafe direitu. Alende ne'e fo mos Ezame PAK ba semester 5 sira.

Iha, vizita ida ne'e Dekanu Fakuldade Direitu, Dr.Leonito Ribeiro, SH.,MH, hamutuk ho vice dekanu no staf administrasaun fakuldade direitu sira hanesan;

I° Vice Dekanu Asuntu Akademiku, Sr.Julio Manuel,Lic.Dir.,M.Hum

III° Vice Dekanu Asuntu Estudantil, Sr.Rui Manuel Lay, Lic.Dir. MD

VI° Vice Dekanu Asuntu Koperasaun Internal no External, Sr.Afonso Soares, Li.Dir.,MD

V° Vice Dekanu Asuntu Sientifiku, Sr.Querubin Jong Ferreira,Lic.Dir., MD no Staff Administrasaun Fakuldade Direitu, Sra. Angelina da Costa, Lic.Eco.

Vizita ida ne'e la'os foin mak primeira vez fakuldade direitu atu halo'o, ho objetivu ida hosi vizita atu rona direta mente dezafios no preokupasaun hosi estudante sira konaba prosesu aprendijagem durante aula iha aula to'o prosesu atendimentu administrasaun.

Liu-liu ba materi sira ne'ebe mak ate agora mos sei pendente iha semester III mesmo sira agora iha ona semester 5. Materia sira ne'ebe mak sei pendente mak hanesan; Direitu e Direitus Humanus no Portugis Juridiku. No ba sira ne'ebe iha semester III, materia sira ne’ebe sei pendente mak hanesan; Justisa Tranzitoriu no Direitu Penal.

Nune'e, Dekanu Fakuldade Direitu, Dr.Leonito Ribeiro, SH.MH, sei haruka dosente sira ne'ebe mak responsavel ba materia sira ne'e sei mai hodi rezolve materia sira ne'ebe durante ne'e sei pendente. Depois de enkontu ho estudante sira, Drkanu Fakuldade Direitu ho estrutura FD hamutuk ho Konseleru no Direitor kampus ramo RAEOA, Sr. Gilberto Suni Mota, Lic.Dir.,MD, fo no halo mos ezame PAK ba estudante semester V.