ESTRUTURA FAKULDADE CSH KONVOKA RENIAUN HO XEFE GRUPU PAK SIRA IHA RAEOA.
AMBENO Universidade da Paz (UNPAZ) estrutura Fakuldade Ciencia Sociais Humana realiza reniaun ho estudante Xefe grupu sira iha Salaun klase normal RAEOA, 18/04/24.
Dekanu Fakuldade Ciencia Sociais Humana, Dr. Fernando Dias Gusmao, A. Md., S. IP., MAP., hateten ba estudante Xefe grupu sira katak, ita mai la'o tuir programa no politika Universidade nian, ne'ebe buat hotu ita tenke obidese ba politika Universidade nian, nomos ba atividade PAK nian ne'e hetan fiar husi Magnifiku Reitor, liu husi komisaun ida maka toma konta ita bo'ot sira iha ne'e.
Iha sorin seluk dehan husi dekanu katak ba mata dalan ou formatu kona-ba elabora imi nia relatoriu ne'e mos parte komisaun sira prepara tia ona, ne'ebe imi la'o tuir deit buat ne'ebe mak komisaun sira prepara, laiha Fakuldade ida mai atu foti desijaun ida ba nia estudante sira iha ne'e, dehan dekanu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
