ESTAJIADUS SIRA SEI ESFORSU HODI REMATA ATIVIDADE TUIR IDA-IDAK NIA GRUPU

ESTÁJIADUS SIRA SEI ESFORSU HODI REMATA ATIVIDADE TUIR IDA-IDAK NIA GRUPU

Dili-Universidade da Paz (UNPAZ) nia Estudante sira ne’ebé hala’o programa estájiu sosial tinan akadémiku 2023 nina, nafatin esforsu atu bele finaliza lalais servisu tuir ida-idak nia grupu, iha Kampus Setral UNPAZ Dili (11/04).

Estudante Estájiadu, Clementino R. Amaral, nu’udar Xefe Grupu 24 husi Fakuldade Direitu, hateten ami nia atividade kontinua servisu tuir orientasaun husi orientadór sira, tanba ne’e ami bele dehan husi parte ami nia grupu kona-ba koridór ida ne’e, ita bele dehan atinji 50% ona.

“Materiál no orsamentu sei bele sufisiente hela, maibe kona-ba orsamentu mak ami sei husu ba universidade, atu apoiu tan ituan, hodi bele finaliza ami nia servisu, tanba ne’e ami husi grupu garante katak, semana rua nia laran ami tenki esforsu, nune’e bele finaliza ami nia servisu ida ne’e”,dehan Estudante Clementino.

Iha fatin hanesan, Estudante, Anjelito de Carvalho, husi Fakuldade Enjeñaria, nu’udar Xefe grupu 23, hatutan, ami nia grupu servisu la’o hanesan bai-bain, tanba ne’e husi parte ami nia grupu kona-ba koridór ida ne’e, ita bele dehan atinji 50% ona, tanba ne’e to’o data ne’ebé determina husi universidade, ami fiar katak bele remata ami nia servisu.

Iha sorin seluk, Estudante Bonifaçio T.A. Sonbai, husi Fakuldade Enjeñaria , hanesan Xefe grupu 29, esplika ami nia grupu servisu kona-ba koridór husi FCSH mai to’o BAAK, durante ne’e la’o di’ak hela to’o ohin loron, tanba servisu ho kolaborasaun ne’ebé di’ak tebes entre ami nia grupu laran.

“Ami husi grupu ne’e servisu masimu no kolabora malu di’ka tebes iha grupu laran, maske iha difikuldade balu, maibe ami nia servisu la’o di’ak hela, tanba ne’e, husi ami nia grupu kona-ba koridó tuir tekniku nia haree atinji ona 70%, ona ho ida ne’e, ami fiar katak, to’o tempu ne’ebé termina husi universidade nian, ami bele finaliza ona servisu ida ne’e”,tenik Estudante Bonifaçio.

Entretantu tuir observasaun jeral média nian iha terenu katak, estudante estájiadu/a sira nafatin servisu tuir ida-idak nia grupu ne’ebé fahe ona husi dosente orientadór sira iha kampus sentral UNPAZ Dili.