ESTAJIADUS SIRA IHA KAMPUS SANAK LIQUISA SEI SERVISU TUIR ORIENTASAUN UNIVERSIDADE NIAN
Dili-Universidade da Paz (UNPAZ) nia estudante estájiadu/a ne’ebé hala’o programa estájiu tinan akadémiku 2023 nian, nafatin servisu tuir orientasaun universidade nian ne’ebé deside ona, iha Kampus Sanak UNPAZ Liquisa (03/04).
Estudante Estajiadu, Adriano Lurdes, ne’ebé reprezenta husi grupu 12, hateten ami husi grpu 12 ami nia servisu halo fondasi durante loron ida ho balu, tanba ne’e ami husi grpu prontu esforsu nafatin ami nia servisu tuir orden ne’ebé mak iha.
“Ha’u fiar katak husi ami nia grupu sei servisu ho di’ak, tanba ne’e ami garante katak semana rua tan ami bele finaliza ami nia servisu ida ne’e iha ami nia grupu, turi informasaun ne’ebé iha katak, universidade foti desizaun ami tenki fila ba dili, depois de dader-dader mak desloka mai iha lokasi, maibe husi ami grupu ia parte ami prontu, tanba ne’e desizaun universidade nian, ami nia grupu garante ami nia servisu sei remata iha tempu badak ”,dehan Nia.
Iha fatin hansan, Estudante Israel de Araujo, husi Fakuldade Saúde Públika, ne’ebé reprezenta husi grupu 18, informa, ami nia servisu tuir kna’ar ne’ebé mak husi parte universidade orienta ona ami, tanba ne’e ami nia grupu nafatin tuir saida mak universidade deside ona.
“Katak Bazeia ba informasaun katak, universidade hakrak ami estajiadus sira tenki fila ba dili, depois dadersan mak desloka mai iha kampus sanak Liquisa, hodi hala’o servisu, maibe ami estudante depende ba desizaun universidade nian, hakark iha ne’e nafatin mós ami prontu, atu ba iha dili dader mak desloka mai mós ami prontu,”,Israel.
Nia hatutan, ami nia orsamentu sira sei sufisiente, tanba ami sedauk gastu barak, tanba suporta mós husi maun estensia sira ho orsamentu, nune’e ami bele finaliza atividade husi grupu nian.
Entretantu tuir obsevasaun iha terenu katak, Estudante Estajiadu/a sira nafatin hala’o servisu turi ida-idak nia grupu ne’ebé mak orientadór sira deside ona.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
