ESTAJIADUS SIRA IHA KAMPUS LIQUISA NAFATIN HALO SERVISU TUIR GRUPU

ESTAJIADUS SIRA IHA KAMPUS LIQUISA NAFATIN HALO SERVISU TUIR GRUPU

Dili-Universidade da Paz (UNPAZ) nia estudante estájiadu/a ne’ebé hala’o programa estájiu tinan akadémiku 2023 nian, nafatin servisu tuir orientasaun universidade nian ne’ebé deside ona, iha Kampus Sanak UNPAZ Liquisa (04/04).

Xefe Grupu 2, Domingos Goveia Leite, ne’ebé reprezenta grupu estájiadu/a sira, informa ami nia atividae la’o hanesan bai-bain, maibe sira ne’ebé mak estensia mak sesta ho sabadu mak sira partisipa, maibe ami nia atividade la’o normal hela tuir orientadór sira deside ona.

“Ami la promote iha ami nia grupu atu finaliza ka la finaliza, maibe tanba situasaun hotu, mais ami sei esforsu nafatin to’o nia finalidade”,dehan Estájiadu Domingos.

Iha fatin hanesan, Xefe grupu 11, Bernadino Ximenes, hatutan ami husi grupu 11 ne’ebé hala’o servisu durante, liga ba prigresu servisu it abele dehan atinji ona 30%, agora ami komesa monta oma estaka, kesi besi, maibe ami nia grupu husi poarte estudante reguler nian ami servisu nafatin, maibe sira estensia mak haree ba tempu ne’ebé sira livre foin sra bele servisu.

“Maibe ami nia prosesu kosnstrusaun iha ami nia grupu, tenki finaliza tuir data finalidade ne’ebé mak universidade desidi”,tenik Nia.

Xefe Grupu Grupu 13, Sansus Soares, relata ami nia servisu durante inisiu atividade la’o di’ak, maibe iha situsaun balu, horseik husi parte universidade haruka ami muda fali ba iha Dili no dader-dader bus tula mai iha lokasi, maibe ami kumpri regras universidade nian ne’ebé mak iha.

“Ami husi grupu 13 nafatin fiar malu no kolabora hamutuk, nune’e ami bele finaliza ami nia mehi ka metas ne’ebé universidade fó mai ami’,tenik Nia.

Entretantu tuir obsevasaun iha terenu katak, Estudante Estajiadu/a sira nafatin hala’o servisu turi ida-idak nia grupu ne’ebé mak orientadór sira deside ona.