ESTAJIADUS HAMUTUK NAIN 30 IHA RAEOA BESIK FINALIZA ONA SIRA NIA ATIVIDADES

ESTAJIADUS HAMUTUK NAIN 30 IHA RAEOA BESIK FINALIZA ONA SIRA NIA ATIVIDADES

Dili-Universidade da Paz (UNPAZ), ninia Fakuldade Teknologia Agrikola, liu husi Kampus Ramu RAEOA, koloka Estajiadus hamutuk nain 30, hodi hala'o sira nia Pratika Iha Aldeia Lakufoan, Suco Costa, Postu Pante Makasar, Rejiaun Administrativa Especial Oecusse-Ambeno, besik remata ona (17/07).

Tuir Kordenador Kursu Fakuldade Teknologia Agricola, hanesan mos Orientador, José Bata, S.Pd.,M.Sc, hateten; ohin ita mai hala'o Monitoring ba Estudantes hirak ne'e, atu haree Atividades saida mak sira halo ona, durante semana rua liu ba, hamutuk ho parseiro Permatil. Tamba ne'e, objetivu husi estajiu profesionál ne'e, atu kompleta sira ninia kunhesimentu, nebe sira hetan iha aulas.

Ita fahe sira ba grupo 3;

1. Grupo 1, foka liu ba Konservasaun Rai, ka hare liu ba toos rai lolon (teras). Objetivu atu tahan rai wanhira udan boot, sei La hetan Erosaun. Nomós toos rai Lolon, fó vantagen boot hanesan tahan rai no konserva be'e, Estrume iha rai laran sei La Estragus, tamba hetan Protesaun husi Teras.

2. Grupo 2, konsentra ba iha; Konservasaun BE'E MATAN ka REHABILITASAUN BE'E MATAN. Travasaun kadalak, nia funsaun wanhira udan boot bele redus velosidade be'e, iha tempu udan no hamenus inundasaun ho Erosaun. Rehabilitasaun debu ka kria debu foun, nia funsaun atu reserva ka tampung be'e, iha tempu udan, nune'e iha reserva ba tempu bailoron, nomós bele infiltra be'e ba rai okos, hodi fornese ba be'e matan sira ne'ebé iha kraik. Konservasaun ba be'e matan mós, ita presiza kuda tan ai-horis balu, atu nune'e bele fó forsa ba be matan ne'e rasik.

3. Grupo 3, hare fali ba KONSERVASAUN AGRIKULTURA. Dahuluk sira halo indentifikasaun ba rai, segundu prepara materiál ka ekipamentus, terseiru produs adubus organiku, no halo kantadeiru.

Entretanto Iha monitorijasaun ida ne'e, partisipa direitamente husi Orientador, José Bata, S.Pd.,M.Sc, akompanha husi Conceleiro Unpaz Ramu RAEOA, Sr. Lourenco P. da Rosa, Lic.Fil.MM, nomos Estudantes Estajiadus sira hamutuk nain 30.