ESRRUTURA UNPAZ NASIONAL KONVOKA REUNIAUN HO ESTRUTURA UNPAZ RAEOA

ESRRUTURA UNPAZ NASIONAL KONVOKA REUNIAUN HO ESTRUTURA UNPAZ RAEOA

Dili-Universidade da Paz (UNPAZ) nia estrutura nasionál konvoka reuniaun hamutuk ho estrutura UNPAZ Raeoa kona-ba prosesu aprendizajen nian nomós halo Sosializasaun ba iha eskola SMA sira ba prezénsa UNPAZ, iha Raeoa Oe-Cusse, (15/09.

Pro-Reitor (ADRH), Sr. Carmo António Pinto Baptista, S.Sos.,M.,Si. hateten bazeia ba reuniaun senadu ne'ebé Magnífiku lídera iha fulan Agustu ho desizaun ne'ebé husi Ministériu Ensinu Superior la autoriza Kampus Ramu Oe-Cusse ho Covalima labele la'o, maibé ita la'o de'it hanesan aula normál husi fakuldade sira, ne'ebé ohin desloka Dosente sira husi kampus sentrál mai iha ne'e, bazeia ba desizaun husi reuniaun senadu.

"Tanba ne'e, ita hein husi IX governu atu haruka avaliadór sira mai avalia hodi hetan lisensia operasional. Ekipa ne'ebé desloka mai ne'e mós, atu kontrola pakote disiplina ba Dosentes sira hotu nu'udar regra ida ne'e hatun husi despaisu, tanba dosentes sira kuaze hetan ona formasaun pedagojia",dehan Pro-Reitor DRH.

Iha fatin hanesan, Konselleiru Kampus UNPAZ Oe-Cusse, Sr. Lorencu P. Da Rosa, Lic.Fil.,MM. Esplika Ohin ami reuniaun hamutuk ho Ekipa husi estrutura universidade ba planu saida mak husi klase Oe-Cusse halo kona-ba Sosializasaun ba iha eskola SMA sira, tanba ne'e Segunda ami komesa kontinua ona halo Sosializasaun ba iha SMA sira tuir planu ne'ebé mak iha, nune'e bele habelar informasaun ba iha eskola sira kona-ba UNPAZ nia prezénsa iha Oe-Cusse.

"Husi Sosializasaun ida ne'e mak ita bele husu ba komunidade no estudante sira, oinsá bele servisu hamutuk, atu dezenvolve Oe-Cusse ho razaun atu evita alin estudante sira labele hakat ba iha nasionál, tanba iha nasionál investimentu ne'ebé maka'as tebes, tanba ne'e prezenta UNPAZ mai iha Oe-Cusse atu hakmam inan aman sira nia investimentu",tenik Konsellu UNPAZ Oe-Cusse.

Partisipa iha reuniaun ne'e, Pro-Reitor (ADRH), Sr. Carmo António Pinto Baptista, S.Sos.,M.,Si. ho Estrutura Universidade nomós Fakuldade sira, Dosente Funsionariu inklui Estudante sira iha Raeoa.