ESHANA-UNPAZ APREZENTA NIA EZISTENSIA NO ATIVIDADE SIRA

ESHANA-UNPAZ APREZENTA NIA EZISTENSIA NO ATIVIDADE SIRA

Dili-Universidade da Paz (UNPAZ) liuhusi ekipa Eshana-UNPAZ halo apezentasaun kona-ba ezistensia Eshana-UNPAZ nomós halo esplikasaun ba atividade sira ne’ebé Eshana halo durante hari’i to’o ohin loron, iha Salaun José Casimiro (28/02) horseik.

Tuir diskursu husi Vise Kordenadór Eshana-UNPAZ, Sr. Agostinho de Jesus Madeira, Lic.Dir. hateten ami husi organizasaun estudante hadomi natureza, hari’i tinan ida resin ona, hahu 20 de Maiu ho formasaun baziku no ofisialmente hetan rekoñesimentu husi kampus, liuhusi Magnífiku Reitór iha dia 23 Maiu 2022, primeiru eshana iha total membru 22 ne’ebé kompostu husi fakuldade 6 ne’ebé eziste iha UNPAZ, atividade sira eshana halo mós hetan kolaborasaun di’ak ho senadu estudanti husi universidade nomós fakuldade sira.

“Eshana-UNPAZ eziste atu haree ba problema sira ne’ebé mak iha, problema ne’ebé eshana foukus mak liu-liu kona-ba lixu, maibe la’os ida ne’e de’it, atividade lubuk ida mak esnaha halo, hanesan konservasaun amibiental, Sosiu Kultura, nomós seluk tan, asaun ne’ebé eshana halo mós la’os de’it iha kampus, maibe ba mós iha komunidade no sosiedade, ne’ebé hetan apoiu husi UNPAZ”,dehan Madeira.

Oradór ne’e esplika, Misaun Eshana nian, atu forma karakter joven sira nian ho esperitu voluntarismu, objetivu husi misaun ida ne’e mós atu forma no akulma juventude hotu-hotu no estudante hotu-hotu iha UNPAZ, sai hanesan banguarda ida, hodi hatan karaik kampus ne’e hetan problema ruma, ita mak sai hanesan banguarda atu salba kampus ida ne’e, tanba ne’e la’os asaun de’it, maibe ami mós prontu atu hamrik iha situasaun saida de’it, karik kampus ne’e iha risku nia laran.

Eshana-UNPAZ hamrik la’os sai inimigu ba organizasaun ida no sai inimigu ba organizasaun seluk lae, eshana UNPAZ harik hanesan be’e nalihun ida, hakarak halibur tan be’e nalihun seluk ne’ebé seidauk hamutuk, hanesan magnífiku reitór sempre hateten ba timor ema hotu-hotu nia responsabilidade, labele ema ida mesak tenki ita hotu hamotuk.

Entretantu iha eventu ne’e apezenta direta husi, Vise Kordenadór Eshana-UNPAZ, Sr. Agostinho de Jesus Madeira, Lic.Dir. no akompña husi ekipa Eshana sira hotu, Komisaun organizadóra nomós Sivitas Akadémiku Universidade da Paz.