ESHANA-UNPAZ ABERTURA FORMASAUN LIAN INGLES, PORTUGES NO PUBLIC SPEAKIN

ESHANA-UNPAZ ABERTURA FORMASAUN LIAN INGLES, PORTUGES NO PUBLIC SPEAKIN

Dili-Universidade da Paz (UNPAZ) Liuhusi Organizasaun Estudante Hadomi Natureza (ESHANA-UNPAZ), realiza serimónia abertura formasaun lian Ingles, Portuges no Public Speakin ba Krusista tolu nulu resin rua (32) ba faze dahuluk nian, ne’ebé sei hala’o kursu durante fulan tolu, iha Aula Fakuldade Direitu (14/05/24).

Iha serimónia abertura formasaun ne’e, Xefe Gabinete Reitoria UNPAZ, Sr. Leonardo Ximenes, Lic.SP.,M.SP. reprezenta Magnífiku Reitór no Universidade hato’o agradese ba ESHANA-UNPAZ ne’ebé kolabora di’ak tebes ho universidade ho vontade ne’ebé mak di’ak no voluntariamente, atu organiza atividade formsaun ba estudante sira.

Nia dehan, bai-bain Magnífiku hateten, buat ne’ebé primeiru harii la’os ho di’ak kedas, sé ita hanoin uluk ida ne’e ema barak lakoi atu koko, tanba ne’e formasaun estra sira hanesan ne’e importrante tebes, oinsa bele hasa’e koñesimentu no abilidade estudante nian, nune’e bele prepara ita boot sira-nia futuru ne’ebé mak di’ak, ho ida ne’e.

“Uza oportunidade no jere imi nia tempu ho di’ak apriende, imi 30 ne’ebé hili dalan ida ne’e, husi estudante 15 ribu, imi 30 mak hili atu kursu, ha’u fiar imi iha vontade ne’ebé mak di’ak, husi universidade nafatin apoiu kualker atividade ne’ebé mak husi ESHANA-UNPAZ halo, hodi fó vantazen ne’ebé mak di’ak ba estudante sira iha futuru”,dehan Xefe Gabinete Reitoria.

Iha fatin hanesan, Kordenadór Eshana UNPAZ, Agostinho De Jesus Madeira Lic.Dir. hato’o obrigadu ba estudante sira ne’ebé hakarak tuir kursu ne’e, atu dehahn de’it katak Organizasaun Estudante Hadomi Natureza UNPAZ, hetan rekoñesimentu husi kampus 23 de Maiu 2022, ne’ebé hetan despaisu husi Magnífiku Reitór, nune’e organizasaun ida ne’e, bele eziste hodi hala’o atividade oi-oin no barak fokus ba iha natureza nian.

“Lingua sai fator determonante ida, bainhira ita remata estudu iha ensinu superior, hodi fila ba iha sosiedade, fator ne’ebé bele kontribui ba iha servisu mak lingua, ho ida ne’e mak Esnaha ho inisiativa atu arganzaia formasaun sira hanesan Ingles, Portuges, Public Speakin no Traballu Siéntifiku”,Tenik Kordenadór Eshana UNPAZ.