ENSERAMENTU KOMPETISAUN JOGU XADRES HODI KOMEMORA LORON JUVENTUDE BA DALA 33 IHA UNPAZ HO TEMA UNPAZ

ENSERAMENTU KOMPETISAUN JOGU XADRES HODI KOMEMORA LORON JUVENTUDE BA DALA 33 IHA UNPAZ HO TEMA UNPAZ PEACE CHESS CHAMPIONSHIP 2024

Dili-Universidade da Paz (UNPAZ) liuhusi estrutura sira organiza kompetisaun jogu xadres hodi komemora loron juventude Timor-Leste ba dala 33 (12 de Novenbru de 1991 - 12 de Novenbru de 2024), iha Salaun Jose Casimiro (12/11/24).

Magnífiku Reitór UNPAZ, Dr. Adolmando Soares Amaral, Lic. Eco.,MM, agradese ba ita bo’ot sira nia partisipasaun ami iha ne’e hanoin katak ita iha atleta maibé kuandu atleta sira ne’e laiha aktividade mak ikus mai sira la bele halo buat ida, se ita hakarak atleta sira ne’e bele sai master nasional nomós internasional mak ita tenki kria aktividade.

Ha'u hanoin uluk iha sekretaria estadu maibe agora ita sai ona ministeriu espera katak orsamentu ne’ebé mak foin dadauk aprova iha parlamentu nasional 2.6 ne’ebé mak aloka ba ministeriu desportu atu bele hare osan ba federasaun sira hodi organiza aktividade sira hanesan ne’e, se lae ita nia atleta sira ne’e iha uma atu halo saida kuandu la iha aktividade susar atu hetan atleta ne’ebé mak di'ak sa tan ita atu partisipa iha eventu internasional.

Maibe iha rai laran ita la organiza aktividade sira ne’e ita hotu-hotu iha responsablidade moral, tanba governu labele hare ba federasaun ida de’it maibé ita sira ne’ebé mak iha hanoin ba aktividade prontu nafatin organiza hodi kadi nafatin kakutak.

Tanba ne’e mak ha'u hanoin eventu ba loron komemorasaun 12 novenbru ita hahu ho aktividades hanesan ne’e no eventu ba publiku ne’e ita halo ona ba dala rua iha tinan 2019 nomós 2024. No ita sei kontinua organiza aktividade bo’ot ida kona-ba Xadres ne’e iha dia 9 marsu bainhira komemora dias natalis unpaz nian iha tinan oin hanoin katak.

Ita tenki iha atleta ba xadres atu nune’e ita bele motiva atleta sira seluk hodi bele mai partisipa iha aktividade jogu sira, ita tenki tau premiu iha ne’eba no ba ida ne’e ami husu ba atleta sira no partisipantes karik premiu ne’ebé ami atribui la dun satisfas, maibe ida ne’e mak kbi’it universidade nian.

Maibé ami konsidera ita bo’ot sira nia partisipasaun no ami sei hare no hasa’e premiu ne’e, e ami la promete maibe ami sei konvida fila-fali ita bo’ot sira iha dia 9 de marsu 2025.

No ami limita ba internal sira hetan mak formasaun, tanba ne’e mak kada fulan, semana ikus loron sabadu no domingu dosente no funsionariu sira sei mai tuir formasaun xadres no ami husu apoiu ba federasaun husi master atleta sira ne’ebé mak iha esperiensia bele fahe ba ami iha ne’e atu nune’e ita bele haburas kultura jogu xadres ne’e iha ita nia rai ida ne’e.

Iha sorin seluk Sr. Tomas Fernandes,representa nu’udar atleta xadres nasional, hato’o agradese wa’in ba magnífiku reitor ho nia estrutura tomak liu-liu estrutura Xadres ne’ebé mak fo ona biban ho esforsu tomak no dedika sira nia tenpu lori desportu Xadres ne’e bele realiza tinan-tinan iha Universidade da Paz, ne’ebé dala ida tan ami nia orgullu no ami nia apresiasaun ba estrutura Universidade da Paz.

Aktividade ne’ebé mak unpaz hala’o tanba ninia sentidu fo komemorasaun ba ita nia juventude sira nia luta no sira nia dedikasaun ba rai ida ne’e, no universidade uniku iha rai timor-leste ne’ebé mak hanoin hikas ita nia heroi sira ne’ebé fo moris tomak ba rai ida ne’e.

Ami nu’udar atleta ami kontenti tebes tanba ita nia universidade ne’ebé fo onra tebes ba heroi sira, nune’e ami atleta ne’ebé tuir ami mós bele banati tuir saida mak sira halo ona, ami nia kontribuisaun ba rai ida ne’e mak ami kontinua dezenvolve saida mak di’ak liu-liu kona-ba paz no dame iha rai ida ne’e.

Hau hanoin ho intensaun ne’ebé mak diak tebes nu’udar atleta ami orgullu tanba uniku dalan ida ne’e mak ita bele habelar ita nia amizade, no aumenta mos ema nia kbi’it kapasidade oinsa mak bele dezenvolve sira nia moris tomak nu’udar mos atleta ami nafatin fo apoiu no expresa ami nia domin ba universidade ida ne’e ba futuru ami mos bele ajuda promove no investe ami nia oan sira mai tanba universidade ida ne’ebé mak uniku no hatene lalaok Xadres.

No ami husu aktividade ne’e kontinuasaun nafatin ami sujere loke mos kursu no treinamentu ba professor/a sira no mos estudante sira ne’ebé mak bele hodi nune’e garantia ita nia paz establidade iha ita nia rai ida ne’e tanba Xadresista nia hanoin mak oinsa atu dezenvolve dame no paz.

Entretantu iha jogu ida ne’e, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. Nomós komisaun organizadora ba kompetisaun xadres, no atleta sira inklui partisipante sira hotu.