ENSERAMENTU COMISAUN ORGANIZADORA GRADUASAUN BA TINAN AKADEMIKU 2020 NIAN, NO DESPEDIDA FAKULDADE RU

Dili 24 de Janeiro 2021

ENSERAMENTU COMISAUN ORGANIZADORA GRADUASAUN BA TINAN AKADEMIKU 2020 NIAN, NO DESPEDIDA FAKULDADE RUA

Dili-Universidade da Paz (UNPAZ) ohin halo programa enseramentu komisaun organizadóra ba serimónia Graduasaun Universidade da Paz Tinan 2020, no despedida ba Fakuldade Engenaria no Fakuldade Teknologia Agrikola, hahu aban hodi ba halo prosesu aprendisajem iha kampus sanak UNPAZ Liquisa, iha Salaun Jose Casimeiro (24/01).

Iha serimónia ne'e Magnifiku Reitór Universidade da Paz Dr. Adolmando Soares Amaral, Lic, Eco. MM. hateten, ita komesa organiza án ona, oinsa atu komprende hodi lidera atividade iha instituisaun, tanba ita kleur iha ne'e hamutuk ho Saudozu Prof. Dr Lucas, ita aprende buat lubuk ida husi nia.

“Buat ne'ebé ita aprende husi nia, ita kontinua asegura nia obra sira ne'e no ita konsege realiza duni nia mehi sira” tenik Reitór.

Nia salienta, ho situasaun ida ne'e akontese, tamba ita mai ho lema ida katak reforma no kualidade, pontus importante mak ita tenki garante akontabilidade no transparensia, tanba senadu mós mai ho kometmentu ida katak, desizaun kolektivu jestaun transparensia ba desizaun hotu ne'ebé mak ita desidi liuhusi reinaun senadu, depois hodi ezekuta atividade sira maka ita tenki aprezenta relatóriu , tanba ita mós kaer ba jestaun transparensia, dehan Reitór.

Iha fatin hanesan Dekanu Fakuldade Agrikola entrega mós sala laboratorium ida ne’ebé durante ne’e sira utiliza, ba fali iha Dekanu Fakuldade saúde Públika.

Iha serimónia ne’e patesipa husi, Magnifiku Reitór Universidade da Paz Dr. Adolmando Soares Amaral, Lic, Eco. MM. Pro Reitór, Dekanu, Xefe Departamentu, Diretór Unidade sira, Docente, Funsionariu, inklui estudante iha Universidade da Paz.