![EMBAIXADOR FOUN INDONESIA VIZITA UNPAZ](https://unpaz.tl/asset/foto_berita/273049761_675755230543099_7288642750105151230_n.jpg)
EMBAIXADOR FOUN INDONESIA VIZITA UNPAZ
Dili-Universidade da Paz (UNPAZ) nia Magnifiku Reitór ho estrutura tomak, hetan vizita bainaka espesila husi Embaixador foun Indonesia mai vizita Kampus UNPAZ, iha Aula Prof.Dr. Lucas da Costa (16/02) horseik.
Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten Embaixador foun Indonesia nian ba Timor-Leste, nia atu vizita ba Instituisaun hotu-hotu, ohin sira mai vizita UNPAZ.
Nia hatutan, UNPAZ mos aproveita ho vizita ida ne’e, atu husu depois Embaixada Indonesia iha Timor bele fasilita ita, liu-liu ita nia dosente sira ne’ebé kontinua hela estudu Mestradu no Doutoramentu.
“Ita mos hanoin atu loke tan departamentu foun, ne’ebé ita nia ekipa ida sei ba halo estudu komparativu ho Universidade sira iha Indonesia”,dehan Reitór UNPAZ.
Prejensa Embaixador Indonesia mai iha ne’e, para ita bele husu sira fasilita ita, para ita bele tama ba halo servisu balun, liu-liu ba halo estudu komparativu iha Universidade Indonesia nian, esklarese Reitór.
Sorin seluk, Embaixador Indonesia, Dr. Okto Dorinus Manik, klarifika Embaixador Indonesia ba Timor-Leste, ami mai atu haree liu-liu husi parte ne’ebé mak atu halo koperasaun liuhusi área edukasaun nian iha UNPAZ.
“Dosente barak iha UNPAZ remata Doutoramentu iha Indonesia, ho nune’e ita bele servisu hamutuk iha futuru oin mai”, katak Dr. Okto.
Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Dr. Okto Dorinus Manik, Dr. Bambang Purwanto, Estrutura tomak kompostu husi Vice Reitór sira, Dekanu Fakuldade 6, Diretór/a Unidade sira, Xefe Departamentu hotu, Dosente, inklui Funsionariu sira.