EKIPAMENTUS BA LABORATORIUM ENFERMANJEN NIAN TOO ONA IHA UNPAZ

EKIPAMENTUS BA LABORATORIUM ENFERMANJEN NIAN TO’O ONA IHA UNPAZ

Dili-Universidade da Paz (UNPAZ) liuhusi kompaña Oceano Lda. ohin dader lori ona ekipamentu ba pratika laboratorium enfermagen nian, to’o ona iha UNPAZ (08/07).

Primeru Vise Dekanu FSPeCM-UNPAZ, Sr. Oscar Seixas da Cruz, Lic. SP.,M.SP. hateten ohin husi kompaña Oceano Lda, lori ona ekipamentus laboratorium nian mai iha UNPAZ, maibe ita haree ba ekipamentu sira, maibe seidauk kompletu, ho ida ne’e mak ita sei fó fali ba kompaña atu bele responsabiliza ba ekipamentu sira ne’ebé seidauk kompletu, nune’e bele fornese fali ekipamentus sira ne’e halo kompletu.

“Maibé ba oin ita nafatin presiza aumenta tan kona-ba ekipamentu ba laboratoriu enfermanjen nian, nue’e ba oin sira semester II tenki la’o ona ho pratika, mais la’os iha semester II mak sira pratika, tuir loloos ne'e iha semester I ne’e sira la’o ona ho pratika kona-ba oinsa sira bele hatene uza sasan ne’ebé agora ne’e prepara ona, no oinsa mak sira bele hatene kona-ba anatomia, mais agora ba oin sira bele tama ona ho pratika, hodi bele hatene klean liu tan kona-ba departamentu enfermajen nian saida mak sira atu hasoru iha futuru mai”,tenik.

Etretantu ekipamentus laboratoriu ba estudante FSPeCM-UNPAZ liu-liu ba Departamentu Enfermajen, tanba ne’e, tuir observasaun media nian iha terenu katak, depois de sasan sira to’o mai iha universidade, hetan apoiu husi funsionaiu logistika, patrimoniu nomós ekipa husi FSPeCM-UNPAZ.