![EKIPA XANANA GUSMAO READING ROOM FAHE INFORMASAUN BA ESTUDANTE UNPAZ](https://unpaz.tl/asset/foto_berita/250010097_605879000864056_8256468623290699296_n27.jpg)
#UNPAZ# 27 OUTUBRU 2021
EKIPA XANANA GUSMÃO READING ROOM FAHE INFORMASAUN BA ESTUDANTE UNPAZ
Dili-Universidade da Paz (UNPAZ), liuhusi Ekipa Xanana Gusmão Reading Room, dezamina informasaun kona-ba, Konkursu Públiku Hakerek Istória Makasae no Baikenu ba estudante UNPAZ, iha Salaun José Kasimeiru (27/10).
Objetivu husi konkursu hakerek ne’e atu promove no prezerva ita nia lian lokál sira iha forma eskrita, lian lokál sira hola parte importante ba ita nia diversidade no identidade kulturál nu’udar povu ida no nasaun independente ida, lian sira ne’e ita tenki prezerva no promove nafatin atu labele lakon.
Ekipa Xanana Gusmão Reading Room, Sr. Jeronimo, agradese wain ba akadémiku husi UNPAZ nian ne’ebé fó biban ba ekipa atu mai halo sosializasaun kona-ba konkursu hakerek istoria iha áreador UNPAZ nian, agradese mós maluk partesipante sira hotu ne’ebé mak ohin vontade di’ak hodi kopera ho sala leitura Xanana Gusmão atu organiza hamutuk sosializasasun hakerek istória.
"Ami nafatin enkoraja maluk sira husi lian, Kemak, Tetun Terik, Bunak, tanba ohin partesipa iha sesaun sosializasaun ida ne’e, bele transmite informasaun sira ne’ebé ohin ami hato’o iha ne’e ba ita nia familia vizinu no maluk sira atu bele partesipa iha konkursu ne’e",haktuir Sr. Jeronimo,
Nia hatutan, ida ne’e hanesan asaun positivu ida ita kolobora malu atu prezerva no promove lian lokál sira ne’ebé existe iha Timor-Leste, ami espera katak ba oin ita nafatin lina kordenasaun para it abele organiza ita nia konkursu ida ne’e bele fó benefisiu no rezultadu positive.
Partesipa iha sosializasan ne’e, Ekipa Xanana Gusmão Reading Room, Sr. Jeronimo,ho Sra Maria Auxiliadora, nomós Estudante sira iha UNPAZ.