Dili-Universidade da Paz (UNPAZ) liuhusi Estrutura Universidade hamutuk ho Konsellu Administrasaun (FNM) aprezenta kampus ramu Covalima ho Raeoa, ne’ebé maka atu hetan lisensia operasionais, ba iha Ministro Ensino Superior, iha Auditoriu MESCC (27/10).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten MESCC konvida Fundasaun ho Universidade mai halo aprejentasaun kona-ba atu hetan lisensia operasionais ba iha kampus ramu sira, hanesan UNPAZ Raeoa no Covalima.
“Ohin ita mai aprezenta, tanba antes ne’e, ita priense ona rekijitu no padraun 10 ba lisensia operasionais, no dokumentus hotu ita haruka ona ba sira haree.
Nia hatutan, rezultadu husi aprejentasaun ne’e, ekipa husi Ministeriu ensinu Superior, sei vizita no komfira materia sira ne’ebé maka aprezenta hanesan ho kampus ramu sira ka lae.
Entretantu iha aprezentasaun ne'e, partisipa husi, Magnifiku Reitór Universidade da Paz, Dr. Adolmando Soares Amaral, Lic. Eco.,MM. ho Prezidente Konsellu Administrasaun (FNM), Ir. Jose Menezes. Nomós estrutura Universidade nian, inklui Exelensia, Sr. Ministro Ensino Superior, ho Estrutura tomak.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
