EKIPA TEKNIKU SAO FASILITA FORMASAUN BA FUNSIONARIU ADMINISTASAUN UNPAZ COVALIMA

EKIPA TEKNIKU SAO FASILITA FORMASAUN BA FUNSIONARIU ADMINISTASAUN UNPAZ COVALIMA

Dili-Universidade da Paz (UNPAZ) liuhusi Ekipa fasilitadór Sistema Akademiku Online (SAO) fasilita Formasaun ba Funsionariu Administrasaun ba Implementasaun sistema online Akadémiku Finansas nian, iha Kampus UNPAZ COVALIMA (13/09).

Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed.hateten objetivu ami husi Kampus sentrál mai Kampus Covalima, atu partilia sistema informasaun Akadémiku ba iha administrasaun Finansas, ne'ebé mak ita implementa ona fulan rua liu ba.

"Sistema ida ne'e ita implementa, tanba ita detekta estudante sira balun utiliza manipulasaun ba iha resibu Finansas nian, ho nune'e atu evita problema sira ne'e mak liuhusi enkontru senadu, hodi implementa sistema ida ne'e",dehan Vise Reitór Asuntu Akadémiku.

Nia esplika sistema ida ne'e, sosializa ona iha Kampus sentrál, bainhira estudante sira ezame final, ba selu iha banku, depois fila mai ba iha Finansas hodi tau karimbu hodi ba iha fakuldade, hafoin ba iha BAAK, tanba ne'e ba estudante sira ne'ebé selu ona iha banku naran mós sei sai iha sistema, ho ida ne'e ba estudante sira ne'ebé mak seidauk selu, nia bele tuir aula, nia prezénsa dala tolu, maibé nia naran latama hela de'it iha sistema, maka konsidera falta, tanba ne'e to'o ezame final, Dosente sira atu tama hanorin fali mós prin naran husi sistema, labele kria rasik manual, ne'ebé se mk selu nia naran tama iha sistema, se mk la selu naran la tama iha sistema.

Entretantu formasaun sistema dijital ne'e, fasilita husi Diretor IT, Sr. Manuel Soares Dos Reis Pacheco, ST.,M.Eng. ho Ekipa ne'ebé kompostu husi, Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. Diretor UA-AAE, Sr. Almerindo B. Sequeira, Lic. Tec.,M.,Eng. II? Vise Dekanu Fakuldade Enjeñaria, Sr. Eustáquio A. A. Pedro Soares, Lic. Tec. ba iha Funsionariu Administrasaun Finansas nian, iha Kampus UNPAZ Covalima. no akompaña husi Diretor UNPAZ Covalima, Sr. Silvester Ferreira, Lic. Eco.,MM.