EKIPA SIMULASAUN HALO AVALIASAUN PROGRAMATIKU 4 ATU HETAN AKREDITASAUN IHA UNPAZ

#UNPAZ# 30 JULLU 2021

EKIPA SIMULASAUN HALO AVALIASAUN PROGRAMÁTIKU 4 ATU HETAN AKREDITASAUN IHA UNPAZ

Dili-Universidade da Paz (UNPAZ)liuhusi ekipa simulasaun halo avaliasaun bá programatiku haat (4) ne'ebé atu hetan akreditasaun iha tinan Akadémiku 2021 nian, iha Aula Prof. Dr. Lucas da Costa, SE., MSi, (30/07).

Magnifiku Reitór, Universidade da Paz, Dr. Adolmando Soares Amaral, Lic, Eco. hateten ita hahú halo simulasaun no preparasaun akreditasaun bá programátiku ne'ebé avaliadór husi nasionál no internasionál atu avalia iha tempu badak, tinan ida ne'e Universidade da Paz lori programa haat, tolu husi programa nível Mestradu, Administrasaun Públika, Saúde Públika, Siensia de Direitu, Lisensiatura, Fakuldade Enjeñaria, nia Departamentu Konstrusaun Sivil.

Nia hatutan, ita hotu iha ne'e laiha interesse, interese ita nian mak atu asesgura ita nia Aman/Mestre Saudozu Prof. Dr.Lucas da Costa, nia obra ne'ebé husik hela bá ita, Programa sira ne'ebé Saudozu kria iha nia mandatu ne'ebé hetan ona lisensia operasionais, dever ita nian atu asegura mak ita tenki lori bá akreditasaun, tantu iha programátika no reakreditasaun instituisaun.

"Rekursu UNPAZ mak ita sira ne'e, atu asegura mós mak ita sira ne'e, atu kontinua dezenvolve universidade ne'e bá oin para koinesidu iha nível nasionál no internasionál mak ita sira ne'e, tempu ona ita atu investe energia hanoin hamutuk hodi organiza no prepara kondisõens minimas hotu para bele garante ita nia existênsia ne'e bá oin hodi hatudu liuhusi reforma no kualidade",dehan Reitór.

Partesia husi, Magnifiku Reitór, Universidade da Paz, Dr. Adolmando Soares Amaral, Lic, Eco, Avaliadór, Dr.Domingos, Diretór Prorama Mestradu UNPAZ, Sr. José Cornelio Guteres, Ph.D, Pro-Reitór,Dekanu ho Xefe Departamentu sira,Diretór Unidade, Dosente, inklui Funsionariu.