EKIPA SAUP UNPAZ APREZENTA KURIKULUM ESTUDU DA PAZ BA IHA EKIPA HUSI GERMANY, CAMBODIA NO PHILIPPINE

EKIPA SAUP UNPAZ APREZENTA KURIKULUM ESTUDU DA PAZ BA IHA EKIPA HUSI GERMANY, CAMBODIA NO PHILIPPINES

Dili-Universidade da Paz (UNPAZ) liuhusi Ekipa SAUP UNPAZ, halo aprezentasaun kona-ba dezeña Kurikulum Departamentu Estudu ba Paz, ba iha ekipa husi Nasaun tolu, hanesan Germany, Cambodia no Philippines, nune'e bele hetan komentáriu no hanoin husi ekipa sira ne’ebé iha área espesifiku kona-ba estudu da paz nian, nune’e bele implementa iha tinan oin, iha Aula Prof. Dr. Lucas da Costa (11/12).

Vise Reiór Asuntu Akadémiku, Dr. Joaniho Xavier Hei, Lic. CSH, M.Ed.,PhD. Hateten ohin loron ita hahú Workshop ho ekipa SAUP, husi Nasaun tolu hanesan, Germany, Cambodia no Philippines, ne’ebé kompostu husi, Professór nomós estudante sira, ne'ebé mak sira-nia área kona-ba kurikulum ne'ebé ita dezenba ba estudu da paz nian.

Nia esplika, ekipa SAUP sei aprezenta kurikulum ne'ebé ita dezeñu, nune'e bele hetan komentáriu husi ekipa nasaun tolu ne'ebé mak ohin partisipa iha ne'e, nomós sira sei fó hanoin kona-ba kurikulum ne'ebé ita dezeña.

“Workshop ne'e, sei hala'o durante loron tolu, iha Universidade da paz, ita espera katak, durante loron tolu ne'e, SAUP UNPAZ, bele hetan imput ne'ebé mak di'ak, nune'e bele aprova kurikulum kona-ba estudu da paz nian, nune’e iha tinan oin ita bele implementa ona kurikulum ba estudu da paz nian”,Tenik.

Entretantu partisipa iha aprezentasaun Kurikulum Estudu da paz ne’e, Vise Reiór Asuntu Akadémiku, Dr. Joannho Xavier Hei, Lic. CSH, M. Ed.,PhD. Diretór Ezekutivu CNC, ho Komitiva tomak, Ekipa husi Germany, Cambodia no Philippines, Estrutura husi Fakuldade CSH nomós Estudante sira.