EKIPA SAO FASILITA FORMASAUN SISTEMA AKADEMIKU BA DEKANU HO NIA ESTRUTURA

EKIPA SAO FASILITA FORMASAUN SISTEMA AKADEMIKU BA DEKANU HO NIA ESTRUTURA

Dili-Universidade da Paz (UNPAZ) liuhusi ekipa Sisitema Akadémiku Online (SAO) ne’ebé kompostu husi Vise Reitor Administrasaun Geral e Finansas, Sr. Caetano Carceres Correia, Lic. Eco.,M.Ak.,CMA. hamutuk ho Diretor IT, Sr. Mauel Soares Dos Reis Pacheco, ST.,M.Eng, hodi fasilita treinamentu SISTEMA AKADEMIKU ONLINE ba Dekanu ho nia estrutura sira, iha Aula Prof. Dr. Lucas da Costa (04/08).

Vise Reitor, hateten bazeia ba enkontru senadu iha semana liu ba, husi ekipa SAO halo ona rekollamentu ba dadus ka nota sira ne’ebé mak iha. Ho ida ne’e mak ekipa SAO halo mudansa ba sisitema akadémiku online para bele fasilita ba ita hotu serteza ba ita nia dadus sira ne’ebé mak sei sai fontes ida de’it.

“Ho ida ne’e iha semana liu ba, ekipa SAO aprezenta ba senadu universidase mós konkorda ho sisitema ne’ebé amk atu utiliza iha universidade da paz, tanba ne’e ita tenki iha onestidade no responsabilidade atu utiliza Sistema ne’e ba iha tinan naruk nian”,dehan Vise.

Nia husu ba maluk sira hotu atu bele partisipa iha treinamentu ida ne’e,mais di’ak liu no fasil liu, nune’e ita bele servisu iha Sistema ida nia laran.

Entretantu formasaun sisitema akadémiku online ne’e, partisipa husi Dekanu sira, Xefe Departamentu nomós Vise Dekanu sira.