![EKIPA PARTIDU CNRT HALO DISKUSAUN HO UNIVERSIDADE DA PAZ HODI ORGANIZA SEMINARIU](https://unpaz.tl/asset/foto_berita/111.jpg)
EKIPA PARTIDU CNRT HALO DISKUSAUN HO UNIVERSIDADE DA PAZ HODI ORGANIZA SEMINARIU
Dili-Universidade da Paz (UNPAZ) liuhusi Klibur profisional husi Partidu CNRT hala’o diskusaun ho Universidade da Paz hodi bele organiza seminariu hamutuk iha tempu besik, iha Reitór UNPAZ kna’ar fatin (12/07).
Magnifiku Reitór, Universidade da Paz, Dr. Adolmando Soares Amaral, Lic. Eco. MM. hateten partidu hotu bele mai iha Universidade da Paz, importante liu mak politikus sira ne’ebé imi halo iha imi nia partidu imi tenki mai ko’alia para rekursus sira foin sa’e sira bele aprende, tanba ne’e mak Universidade da Paz nakloke, se partidu hotu ne’ebé mak hakarak atu mai servisu hamutuk ho Universidade da paz atu ko’alia dezenvolvimentu ba rai ida ne’e atu lori povo ba moris diak Universidade da Paz la iha rezerva ba ida ne’e.
“Tanba ne’e ohin CNRT mai no partidu seluk sei mai PD sei mai FRETELIN sei mai, se mak hakarak mai para hamutuk fahe hanoin iha ne’e ba rekursus sira ne’e, para depois sira kontinua dezenvolve hanoin sira ne’e ba kraik, para lori ita nia povu sira atu komprende kona-ba politika ba partidu sira, ha’u hanoin la iha problema, naran katak buat hotu di’ak ba povu no rai ida ne’e”,tenik Reitor UNPAZ
Nia akresenta, daudaun ita foin hahu deskuti ita haree ita nia governu no estadu hasoru problema saida, ita nia povu hasoru problema saida, konseitu sira ne’e mak ita dezenvolve sai topiku, depois ita buka orador prisipal sira atu bele mai ko’alia, iha posibilidade bo’ot maun Xanana maun Horta nomós Eng. Mariano Assanami, Dr. Mari Alkatiri, karik disponivel, ita bolu mai ko’alia hotu iha seminariu ida ne’e.