EKIPA ON SHOOT CREW HAHU HALO VIDEO BADAK BA ATIVIDADE IHA UNPAZ

#UNPAZ# 30 JUÑU 2021

EKIPA ON SHOOT CREW HÁHU HALO VIDEO BADAK BA ATIVIDADE IHA UNPAZ

Dili-Universidade da Paz (UNPAZ), liuhusi ekipa ON SHOOT CREW ne’ebé kolobora ho Xefe ekipa Simulasaun Video Virtual (SVV) Dr. Alexandre de Sousa Guteres, Lic. Eco.,MM.ho ekipa hahu ona halo video badak ba atividade  iha Universidade, hodi priense rekizitu avaliasaun ANAAA nian ne’ebé atu hatudu ba peritus internasional sira ba akreditasaun nian, iha Kampus UNPAZ (30/06).

Dr. Alexandre de Sousa Guteres, Lic. Eco.,MM. hateten atividade ne’ebé halo iha Universidade, bazeia ba despashu Magnifiku Reitór nian, kona-ba video virtual ne’ebé mak tenki halo husi Universidade atu hatudu ba ANAAA nian ba akreditasaun liu-liu ba programa sira ne’ebé mak atu hetan akreditasaun.

“Tanba Covid-19 ita labele hasoru malu ho atividade ANAAA nian, Peritus husi ANAAA nian husu para Universidade atu akreditasaun tenki halo video virtual hodi submete ba ANAAA liu-liu ba Peritus internasionál sira, atu evalua lala’ok Universidade nian nomós atividade sira”,dehan Dr. Alexandre

Aliende ne’e Xefe Programa Mestradu, Dr. Leonito M. Martins, Lic. CSH.,MAP. hatutan atividade ohin ekipa ON SHOOT CREW halo video ba atividade sira ho objetivu ida atu hatan no prienxe kritéria ne’ebé husi estandar avaliasaun ANAAA nian, tanba ANAAA atu mai halo avaliasaun ne’e kompostu husi avaliadór Nasionál no internasionál maibé internasionál la iha biban hakat mai ne’e duni hala’o atividade ne’e hanesan relatóriu hato’o ba avaliadór internasionál sira.