EKIPA MONITORIZASAUN UNIVERSIDADE KONTINUA HALO MONITORIZA BA DOSENTE SIRA KONA-BA PAKOTE DISIPLINA

EKIPA MONITORIZASAUN UNIVERSIDADE KONTINUA HALO MONITORIZA BA DOSENTE SIRA KONA-BA PAKOTE DISIPLINA

Dili-Universidade da Paz (UNPAZ) liuhusi ekipa monitorizasaun kompostu husi Magnifiku Reitór, Vise Reitór asuntu Akadémiku, Pro Reitór Asuntu Garantia kualidade nó Certifikasaun dosente, Diretor Konsellu Disiplina, Diretur IQA, nó funsionariu sira, kontinua halo monitorizasaun ba loron datolu nian ba korpus dosente sira-nia pakote disiplina iha Universidade da Paz, (29/08/23).

Iha monitorizasaun ne’e hato’o husi, Magnifiku Reitór Universidade da Paz, Dr. Adolmando Soares Amaral, Lic, Eco.,MM, katak ami ekipa ida ne’e inkomoda wituan ita bo’ot sira-nia tempu atu bele halo monitoriza ba kolega dosente sira-nia pakote disiplina, nomós atu introdus wituan ba estudante sira atu intende di’ak kona-ba pakote disiplina nian maka hanesan, Manual, Planu Lisaun, Planu Sesaun, nó Power Point, ida ne’e sai hanesan sasukat ida para ita bo’ot sira bele simu materia ne’ebé maka kompletu nó kualidade iha futuru oin mai, dala ida tan ha’u husu ba alin estudante sira karik ba dosente sira ne’ebé maka tama la introdus pakote disiplina, halo favor ida haruka ita bo’ot sira nia xefe da turma ba hasoru direta iha diretor IQA nia fatin, atu nune husi parte IQA nian bele tarata ba asuntu ne’e.

"Ha’u husu ba estudante sira atu koopera hamutuk ho universidade, atu nune’e bele garantia kulaidade prosesu aprendizagen nian iha Universidade da Paz",dehan Reitór UNPAZ.

líder masimu Universidade da Paz ne’e katak, ha’u preokupa tebes ba alin sira-nia futuru, tanba ita bo’ot selu para atu hetan materia ne’ebé maka kualidade imi nia inan aman sira-nia investimentu, tenke hetan buat ne’ebé maka kualidade, ba futuru sosiedade nó nasaun hein hela ita bo’ot sira-nia matenek, badaen nó atitude.