EKIPA MESSK HALO VIZITA KORTEJIA MAI IHA UNPAZ
Dili-Universidade da Paz (UNPAZ) liuhusi Ekipa Ministériu Ensinu Superior Siênsia Kultura (MESSK) hala'o vizita kortejia mai UNPAZ, ho objetivu atu rekolla dadus kona-ba Dosente, Estudante no Graduadus sira nian, ho objetivu dadus sira ne'e hotu, bele tama iha sistema Jestaun dadus Ministériu Ensinu Superior nian, atu Ministériu bele kontrola masimu ba sisitema ne'ebé utiliza iha UNPPAZ, iha Aula Prof. Dr.Lucas da Costa (11/03).
Kordenador ekipa, Sr. Carlito Medes Pereira, esplika ami husi ministériu la muda la hasai no la hatun kona-ba universidade nia regras no normas ne'ebé iha, maibé ita iha nasaun ida sempre iha regulariza husi estadu no governu, tanba ne'e mak ami Ministériu iha Kna'ar tomak, atu kolabora no kordena, oinsá bele halo ajustamentu dadus sira ne'e, sai akumulativu ba futuru ne'ebé mak di'ak.
Depois de aprezentasaun sistema husi Diretor IT, Sr. Manuel Soares dos R. Pacecho, ST.,M.,Eng. ne’ebé utiliza iha UNPAZ.
"Kordenador ekipa ne'e, hato'o parabens ba UNPAZ, utiliza ona sisitema ne’ebé mak di’ak tebes iha ensinu superior UNPAZ nian, iha ensinu superior balu ami ba ko’alia de’it ho ibun na realidade la hatudu hanesan ne’e ida, maibe UNPAZ nia Sistema di’ak tebes",dehan Kordenador Ekipa MESSK.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
