header-int

EKIPA MESCC INSERA ATIVIDADE MONITORIZASAUN IHA UNPAZ

Rabu, 04 Mei 2022, 09:03:04 OTL - 236 View
Share
EKIPA MESCC INSERA ATIVIDADE MONITORIZASAUN IHA UNPAZ

EKIPA MESCC INSERA ATIVIDADE MONITORIZASAUN IHA UNPAZ

Dili-Universidade da Paz (UNPAZ) liuhusi ekipa inspesaun no monitorizasaun Ministeriu Ensinu Superior Ciencias Cultura (MESCC) insera ona atividade monitorizasaun ne’ebé hala’o iha UNPAZ durante loron lima hodi observa kona-bá fasilidade infraestrutura, biblioteka, laboratoriun ne’ebé hodi fasilita estudante sira nia prosesu aprendisajen, inklui foti dadus dosente ho estudante sira, iha Kampuz UNPAZ (29/04) horseik.

Vice Reitór I Asuntu Akadémiku, Sr. Joaninho Xavier Hei, Lic. CSH.,M.Ed. ne’ebé reprezenta Magnifiku Reitór, hateten, ami ho estrutura foun ne’ebé ho vizasaun jerasaun foun hakarak mudansa la’o tuir erra ne’ebé agora la’o hela, bainhira nasaun sira ne’ebé abansadu iha mudansa ne’ebé maka’as, maibe ita foin mak koko atu la’o ba oin, maibe ami esforsu atu hadia sistema edukasaun liuliu iha UNPAZ, atu bele prepara ita nia joven sira ho edukasaun ida ne’ebé kualidade.

“Agradese ba ekipa Ministeriu Ensinu Superior Ciencias Cultura (MESCC), ne’ebé mai hala’o servisu inspesaun monitorizasaun ba ami nia prosesu ensinu aprendisajen iha UNPAZ, nomós infraestrutura sira no kursu sira hotu iha ne’e”,dehan Vice Reitór I Asuntu Akadémiku, Sr. Joaninho.

Ekipa Ministeriu Ensinu Superiór Ciénsia Cultura (MESCC) Sr. Françisco da Silva Sarmento, katak, enome ekipa ami hato’o ami nia agradese wain ba iha estrutura UNPAZ ne’ebé ho kapasidade tomak no atenbrani, hodi fó oportunidade ba ami hodi hala’o monitorizasaun, iha Universidade da Paz.

“Antes ami ekipa halo inseramentu, ami hato’o ona ba iha, ami nia diretor jeral katak, Ministeriu Ensinu Superiór Ciénsia Cultura (MESCC), nia ekipa ne’ebé marka prejensa iha UNPAZ, estrutura UNPAZ simu ita ho liman rua”, haktuir Sr. Françisco.

Nia hatutan, ami ho haraik a’an husu UNPAZ nafatin fó oportunidade ba ami husi ekipa Ministeriu Ensinu Superiór Ciénsia Cultura (MESCC) hodi haree prosesu tomak tuir mekanizmu ne’ebé ami hato’o ona, antes ami halo monitorizasaun, agradese ba Magnifiku Reitór Interinu ho estrutura tomak ne’ebé ho laran luak ne’ebé akompaña ami husi inisiu to’o remata.

Partisipa iha inseramentu ne’e, Ekipa Ministeriu Ensinu Superiór Ciénsia Cultura (MESCC) Sr. Françisco da Silva Sarmento, João Paulo Maria Soares, nomós Jucelina, Viçe Reitór I Asuntu Akadémiku, Sr. Joaninho Xavier Hei, Lic. CSH.,M.Ed. Diretór Biblioteka, Diretór Logistika, Dosente, inklui Funsionariu sira iha Universidade da Paz.

Unidha Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL
© 2024 Universitas da Paz Follow Universitas da Paz : Facebook Twitter Linked Youtube