EKIPA MESCC HALO SITE VISIT LORON DARUAK IHA UNPAZ RAMU COVALIMA

EKIPA MESCC HALO SITE VISIT LORON DARUAK IHA UNPAZ RAMU COVALIMA

Dili-Universidade da Paz (UNPAZ), liuhusi Ministerio Ensino Superior Ciência e Cultura (MENCC) hamutuk ho estrutura universidade, hala’o site visit ba loron daruak nian, iha kampus UNPAZ Ramu-Covalima kona-ba atu hetan lisensa operasionál ba atividade ensinu aprendisazen nian. Iha Kampus UNPAZ Ramu-Covalima (22/11).

Magnífku Reitór Universidade da Paz, Dr. Adolmando Soares Amaral, Lic.Eco.,MM, hateten, rekomendasaun sira ne’ebé mak avaliadór sira rekomenda, buat balu ita bele hatan urjentemente no buat balu ita tenta para rezolve iha loron tuir mai, tanba ne’e hanesan avaliadór sira hateten, sira mai la’os atu julga ita, ida ne’e sala no ida ne’e lo’os, maibe sira mai atu ajuda no tulun ita oinsa ita bele hamutuk sai forsa ida hanesan parseiru ida ne’ebé sai ona parseria ba ministériu ensinu superior, oinsa sira nia hanoin ita bele dezenvolve no organiza a’an di’ak liu tán hanesan ensinu superior privadu ida, tantu iha nasionál nomós iha munisipiu.

“Estrutura sira hotu iha universidade da Paz dosente no funsionariu sira hotu, prosesu ida ne’e, ita labele mai ho hanoin ida negativu, hakarak ensinu superior la’o di’ak iha rai ida ne’e, hotu-hotu hanoin pozitivu. Universidade da Paz, nakloke ba nai avaliadór sira katak, rekomendasaun saida de’it mak ita bo’ot sira rekomenda, para ajuda Universidade bele organiza a’an di’ak liu tán agora no ba futuru ami konsidera”,dehan Reitór UNPAZ.

Entretantu partisipa iha site visit ne’eba loron daruka ne’e, Estrutura Senadu Universidade no Estrutura Fundasaun Neon Metin, estrutura ekipa husi (MESCC) nomós dosente funsionariu inklui estudante sira, iha Unpaz Ramu Covalima.