EKIPA MESCC HALO SITE VISIT BA IHA KAMPUS UNPAZ RAMU-COVALIMA

EKIPA MESCC HALO SITE VISIT BA IHA KAMPUS UNPAZ RAMU-COVALIMA

Dili-Universidade da Paz (UNPAZ), liuhusi Ministerio Ensino Superior Ciência e Cultura (MENCC) hamutuk ho estrutura universidade, hala’o site visit ba iha kampus UNPAZ Ramu-Covalima kona-ba lisensa operasionál ba atividade ensinu aprendisazen nian. Iha Kampus UNPAZ Ramu-Covalima (21/11).

Liuhusi site visit ne’e, Magnífku Reitór Universidade da Paz, Dr. Adolmando Soares Amaral, Lic.Eco.,MM. hateten, hahu iha tinan 2015 to’o iha 2019 no iha 2020, universidade husu ministériu ensinu superior nia autorizasaun atu autoriza atividade ensinu apriendisazen kontinua nafatin la’o iha kampus ramu-covalima liuhusi proposta ne’ebé estrutura universidade iha.

"Hahu 2015 to’o mai iha 2019 no iha 2020 ita husu fali iha ministériu ensinu superior atu autoriza ita hodi kontinua atividade ensinu aprendisajen iha munisípiu Covalima, maibé atividade ba ida ne’e, la’os ona ho klase sosiál no la’os ona ho naran klase paralelu, ita hanoin mak hetan lisensa operasionál husi ensinu superior siénsia kultura, atu hahu investe kampus ramu. Tanba ida ne’e, prosesu lisensa operasionál ninia rekezitus sira hotu ne’ebé ministériu fó mai ita",dehan Reitor.

Kualidade hanesan Reitór hato’o agradese ba estrutura nomós ba ministériu ensinu superior ne’ebé investe nia tempu to’o mai iha kampus ramu covalima ho tempu ne’ebé udan estrada ne’ebé ladún di’ak, maibé ho hanoin katak Timor labele ita-bo’ot sira mesak, labele ami mesak no ita hotu hamutuk hodi dezenvolve rai ida ne’e ba moris di’ak, mak ita tenki dedika ita-nia a’an to’o iha fatin ne’e.

Iha sorin seluk, ekipa MESCC, Sr. Paulino Ribeiro, hatutan liután, prosessu kona-ba analiza dokumentus hotu ona, agora tama ona ba istória hanesan prosesu ida atu mai haree no konvina katak dokumentu entre dokumentus sira iha terenu ne’e hapar malu rekezitus ne’ebé mak iha.

"Ami mai iha ne’e la’os atu insulta ita-bo’ot sira, maibé mai atu fó sai analizasaun ba dokumentus sira ne’ebé haree rekezitus tuir kadernu padraun ensinu superior nian katak ita iha kritéria sanulu-resin ida (11) no sub-obrigatóriu lima-nulu resin-hitu (57), ne’ebé mak aprova ona liuhusi ministeriál iha tinan 2020 liubá",dehan parte MESCC).

Entretantu partisipa iha site visit ne’e, Estrutura Senadu Universidade no Estrutura Fundasaun Neon Metin, estrutura ekipa husi (MESCC) nomós dosente funsionariu inklui estudante sira, iha Unpaz Ramu Covalima.