EKIPA MESCC HALO MONITORIZASAUN IHA UNPAZ
Dili-Universidade da Paz (UNPAZ) liuhusi ekipa inspesaun no monitorizasaun Ministeriu Ensinu Superór Siénsia Kultura (MESCC) nia prejensa iha UNPAZ ho objetivu atu halo monitorizasaun ba iha aula sira hotu, ekipamentus ba ensinu aprendisajen, maerial sira ne’ebé fó apoiu ba ensinu aprendisajen ba laboratorim nomós biblioteka, durante loron lima iha UNPAZ (25/04).
Viçe Reitór I Asuntu Akadémiku, Sr. Joaninho Xavier Hei, Lic. CSH.,M.Ed. hateten, ekipa husi Ministeriu Ensinu Superór Siénsia Kultura (MESCC) ohin hala’o inspesaun no monitorizasaun iha UNPAZ hodi haree fasilidade infraestrutura no foti dadus dosente nomós estudante sira.
“UNPAZ prontu atu kolabora ho Ministeriu Ensinu Superór Siénsia Kultura (MESCC)”,dehan Viçe Reitór I Asuntu Akadémiku, Sr. Joaninho.
Nia hatutan, ekipa ne’e mós sei halo intervista ho dosente nomós estudante sira, relasaun ho prosesu aprendisajen nian.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
