![EKIPA KOMISAUN SIRA NAFATIN HALO KONTROLLA BA ESTAJIADUS SIRA IHA KAMPUS SANAK UNPAZ LIQUISA](https://unpaz.tl/asset/foto_berita/054.jpg)
EKIPA KOMISAUN SIRA NAFATIN HALO KONTROLLA BA ESTÁJIADUS SIRA IHA KAMPUS SANAK UNPAZ LIQUISA
Dili-Universidade da Paz (UNPAZ) liuhusi ekipa Komisaun sira nafatin halo kontrolla ba iha estudante esttájiadu/a sira ne’ebé hala’o programa estájiu sosial tinan akadémiku 2023, iha Kampus Sanak UNPAZ Liquisa (11/04).
Tuir Segundu vise Prezidente Komisaun Organizadora ba Programa Estájiu Sosial tinan akadémiku 2023, Sra. Marilia Juvi Gonçalves, Lic.SP.,M.Kes. hatete haree ba progresu servisu iha kampus sanak UNPAZ Liquisa, hahú husi inisiu to’o ohin loron, ita bele dehan atinji ona 50% ba iha moru nian.
Nia hatutan, kona-ba dosente orientadór liuliu iha ekipa prinsipal nian, ita halo rotasaun ba iha dosente sira ne’ebé mak iha orariu ba prosesu aprendisagen iha loron dader sira bele kontinua aula no loraik bele mai haree estudante sira, no sira ne’ebé iha orariu loraik dader sira bele mai halo kontrola estudante sira no loraik mak bele kontinua prosesu aprendisagen, tanba ita bazeia ba data ne’ebé mak universidade termina, hahu estájiu iha dia 27 no tenki remata iha 27.
“Orsamentu ne’ebé mak estudante sira submete ona kada grupu, sira utiliza hodi halo servisu ne’ebé mak iha, tanba ne’e, ita sei haree kona-ba sira nia progresu servisu, atinji ona tuir forsa no kbi’it ne’ebé mak sira iha, sé servisu ne’e mak seidauk atinji, husi parte komisaun hamutuk ho universidade sei kontinua fila fali atividade refere”,dehan Sra. Marilia.
Iha sorin seluk, Estudante, Isac Neves Fernandes, husi grupu 6 katak, hahú husi data inisiu 27 to’o ohin loron, ami nia atividade konstrusaun kona-ba moru la’o ho di’ak, tanba hetan apoiu husi universidade kona-ba rai henek no fatuk, material sira seluk husi ami nia grupu rasik.
“Ami nia grupu servisu la’o ho di’ak, maske tarde husi deslokasaun husi dili mai Liquisa, tanba balun mai uluk no balun mai ikus, maibe ami nia servisu kontinua hala’o hanesan bai-bain, ami garante katak to’o data 27 agora, ami bele finaliza ami nia servisu ida ne’e”,tenik Estudante Estájiadu Isac.