EKIPA IQA HALO MONITORIZASAUN BA IHA EXAME FINAL

EKIPA IQA HALO MONITORIZASAUN BA IHA EXAME FINAL

Dili-Universidade da Paz (UNPAZ) liuhusi ekipa Internasional Quality Assurance (IQA) UNPAZ, halo monitorizasaun ba iha exame final semester Impar 3,5 no 7 hodi haree estudante sira nia partisipasaun, prejensa dosente sira iha aula nomós propinas estudsante sira nian, iha Kampus Sentral no Kampus B UNPAZ Liquisa (07/06).

Diretor Internasional Quality Assurance (IQA) UNPAZ, Sr. Arquimino Ramos, Lic. CSH.,MM. hateten IQA horas ne’e dadaun hola parte iha komisaun ba exame final ida ne’e, hodi halo mós monitorizasaun ba exame ida ne’e, oinsa bele haree estudante sira tenki partisipa iha exame kompletu nomós pagamentu propinas, tanba ne’e ita mós halo komfirmasaun ho xefe da turma sira, atu haree mós kona-ba lista prejensa dosente sira nian.

“Maioria husi semester 3,5 no 7 to’o oras ne’e dadaun seiduk iha reklamasaun, tanba ne’e ita iha watsaap grup ho, senadu estudante sira, se iha assuntu ruma sira lamenta bele hato’o liuhusi watsaap grup/bele mai direta iha IQA, ho nune’e ita bele identifika dosente tama aula ka latama ita bele hatene, para oinsa kualidade atendimentu dosente ba estudante sira ne’e tenki garante”,dehan Diretor (IQA) UNPAZ, Sr. Arquimino.

Nia esplika, ita mós veferifika dosente hotu-hotu nia preparasaun ba materia, iha UNPAZ ne’e ita aplika pakote disiplina kompletu manual ne’ebé uza ba hanorin sira iha planu lisaun, planu sesaun no pawerpoint nomós metodu saida mak sira uza atu fó exame ba estudante sira, ho ida ne’e mak ita verifika hotu sira ne’e, para oinsa ita bele garante kualidade atendimentu dosente sira nian ba iha estudante sira.

“Husi ida ne’e la’os ita atu dehan dosente ida ne’e mak hanorin di’ak no ida ne’eba mak hanorin la di’ak , la’os ida ne’e mak ita hakarak atinji, maibe ita hakarak haree ida ne’e para dosente sira bele hetan imput ruma, para hadia no mellora bebeik kualidade hanorin, ida ne’e mak importante lo’os ita hodi halo kontrollu ne’e”,tenik Nia.

Diretor ne’e subliña, Kriteria menimu tenki priense aula 10 ba leten, maibe iha regras universidade nian tenki aula ba dala 14, mak bele hakat ba exame, ita bele tolera aula to’o 10, maibe la to’o ida ne’e ita la tolera atu ba halo exame.

Entretantu iha exame final ne’e, ekipa komisaun sira nafatin halo monitorizasaun ba masimu tebes ba estudante sira iha Kmapus Sentra nomós Kmapus B Liquisa, hodi haree estudante sira ne’ebé mak seidauk kumpri nia dever.